Төв цэнгэлдэх хүрээлэнд иргэдийн чөлөөт цагийг зөв боловсон өнгөрүүлэхэд зориулсан мөсөн хотхон өдөр бүр ажиллаж байна. 

Мөсөн хотхоныг “Эрүүл чийрэг өвөл, мөсөн цэнгэлдэх 2025” төслийн хүрээнд Төв цэнгэлдэх хүрээлэнгийнхэн хувийн хэвшлийн байгууллагатай хамтран тохижуулжээ. 

Зохион байгуулагчдын зүгээс нийгмийн хариуцлагын хүрээнд он солигдох өдрүүдийг угтан баярын тусгай арга хэмжээнүүд зохион байгуулсан тухай "Стор Пей ББСБ"ХХК-ийн Үйл ажиллагаа эрхэлсэн захирал Э.Баярмаа ярилаа.

Тэрээр, "Мөсөн хотхоны үйл ажиллагааг өмнөх оны арванхоёрдугаар сарын 25-ны өдрөөс эхлүүлсэн. Одоогоор 1000 гаруй хүүхэд, эцэг эхчүүд үйлчлүүлээд байна.

Тэднийг чарга, тэшүүрээр гулгаж, өвлийн амралтаа идэвхтэй хөдөлгөөнтэй өнгөрүүлж байгаад сэтгэл хангалуун байна. 

Мөн нийгмийн хариуцлагын хүрээнд асрамжийн газрын хүүхдүүдийг урьж, шинэ жилийн баярын үеэр үлгэрийн баатруудтай хамт тоглох, бэлэг өгөх зэрэг дурсамжтай арга хэмжээнүүдийг зохион байгуулсан. Цаашид ч үргэлжлүүлэх сонирхолтой хөтөлбөрүүд төлөвлөсөн. 

Тиймээс иргэдийг гэр бүл, найз нөхөдтэйгөө хүрэлцэн ирж цагийг үр бүтээлтэй, зөв боловсон өнгөрүүлэхийг уриалъя” гэв.

Мөсөн хотхон энэ оны гуравдугаар сарын 10-ны өдрийг хүртэл өдөр бүр 11-22 цагийн хооронд ажиллана.

Тэшүүрээр нэг цаг гулгахад 5000 төгрөг бол чаргаар 30 минут гулгахад мөн 5000 төгрөгийн үнэтэй байна. 

ФОТО:

Хүмүүнлэгийн ухааны их сургуулийн Сэтгүүл зүй, медиа технологийн тэнхимийн III ангий оюутан Н.Номин