“GoGo-ийн асуултууд” булангийн энэ удаагийн дугаарт жүжигчин О.Дөлгөөн оролцлоо. Бид түүнийг “Single ladies” киноны арван жилийн ойд зориулсан влогны зураг авалттай байхад нь очиж жингээ барьдаг нууц, англи хэлээ сайжруулсан арга барил, хүүхдээ хүмүүжүүлэхдээ хамгийн их анхаардаг зүйл зэрэг олон сэдвийн хүрээнд ярилцлаа.

Хариуцлагатай, дасан зохицох чадвар сайтай, хүн бүрийг ойлгохыг хичээдэг хэмээн өөрийгөө тодорхойлсон тэрбээр “Цаг хугацаа бүхнийг харуулна. Үнэн хэзээ нэгэн цагт гарч ирнэ” хэмээн өөрийгөө зоригжуулдгаа хэлэв.

Бүхнийг ойлгож, учир утгыг нь олох гэж хичээдэг О.Дөлгөөн “Өмнө нь өнгөрсөндөө харамсах тохиолдол байсан. Харин одоо бол аливааг өнгөрөөж сурч байна. Өнгөрснөө мартах, буруутгах дургүй” хэмээлээ.

“Ээж болсон нь миний хорвоогоос мэдэрсэн хамгийн сайхан мэдрэмж. Өөрийнхөө жижигхэн хувилбартай болох нь үгээр хэлшгүй гайхалтай мэдрэмж” хэмээгээд хүүтэйгээ нээлттэй ярилцахыг чухалчилдгаа хэлэв.

Тэрбээр “Хэзээд, ямар ч үед гүйгээд очиход ээж минь байж л байдаг. Миний хамгийн сайн сонсогч, бүх нууцыг мэддэг хүн бол ээж. Хүссэнээ хийдэг байсан ч хэзээ ч буруу юм хийж, ээжийнхээ итгэлийг алдаж байгаагүй” гэсэн юм.

Ингээд түүнийг “GoGo-ийн асуултууд”-ад хэрхэн хариулсныг хүлээн авч үзнэ үү.

БИЧЛЭГ: