Эдийн засгийн байнгын хорооны өнөөдрийн хуралдаанаар дараах асуудлыг хэлэлцэж байна. 

• Монгол Улсын Засгийн газар, Бүгд Найрамдах Польш Улсын Засгийн газар хоорондын нөхцөлт зээлийн ерөнхий хэлэлцээрт нэмэлт, өөрчлөлт оруулах тухай хавсралтын төсөл /Засгийн газар 2026.04.22-ны өдөр ирүүлсэн,  зөвшилцөх, санал, дүгнэлтээ Аюулгүй байдал, гадаад бодлогын байнгын хороонд хүргүүлнэ/
• “Монгол Улсын хөгжлийн 2027 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2026.05.01-ний өдөр өргөн мэдүүлсэн, нэг дэх хэлэлцүүлэг/
• Монголбанкны 2025 оны жилийн эцсийн санхүүгийн тайлан, Хяналтын зөвлөлийн тайлан 
• Улсын Их Хурлын гишүүн Г.Лувсанжамцаас Улсын Их Хурлын 2025 оны 57 дугаар тогтоолын хэрэгжилтийн талаар Засгийн газарт хандсан асуулгын хариуг хэлэлцэх
• Байнгын хорооны тогтоолын төсөл /Цаглавар батлах тухай/

Монголбанкны 2025 оны жилийн эцсийн санхүүгийн тайлан, Хяналтын зөвлөлийн тайлан болон УИХ-ын гишүүн Г.Лувсанжамцаас УИХ-ын 2025 оны 57 дугаар тогтоолын хэрэгжилтийн талаар Засгийн газарт хандсан асуулгын хариуг ирэх долоо хоногт хэлэлцэх горимын санал гаргасныг гишүүд дэмжив.

“Монгол Улсын хөгжлийн 2027 оны төлөвлөгөө батлах тухай” Улсын Их Хурлын тогтоолын төслийг хэлэлцэж байна. 

Тэргүүн шадар сайд Ж.Энхбаяр 2027 онд салбарын яам бүрт хэр хэмжээний санхүүжилт олгохоор төлөвлөснийг танилцууллаа. Тэрбээр,

• Эрүүл мэндийн яам-488 тэрбум
• Эрчим хүчний яам-5.3 их наяд
• Боловсролын яам-617 тэрбум
• Байгаль орчин, уур амьсгалын өөрчлөлтийн яам-122 тэрбум
• Гэр бүл, хөдөлмөр, нийгмийн хамгааллын яам-98 тэрбум
• Зам тээврийн яам-2.3 их наяд
• Хүнс, хөдөө аж ахуй, хөнгөн үйлдвэрийн яам-413 тэрбум төгрөгийг тус тус олгоно. 

2027 оныг эрүүл мэндийг дэмжих жил болгон зарласан. Энэ хүрээнд эрүүл мэндийн засаглал, эрх зүйн орчныг боловсронгуй болгох, санхүүжилт, даатгалыг тогтворжуулах, хүртээмжийг нэмэгдүүлэх, сайжруулах, зайлшгүй шаардлагатай эм, технологийг нэмэгдүүлэх, цахим шилжилтийг хөгжүүлэх зэрэг ажлууд хийхээр төлөвлөсөн.  

Эрүүл мэндийн салбар ажлаа хамгийн зөв төлөвлөж, санхүүжилтээ шийдэж чадсан байгаа" гэсэн мэдээлэл өглөө.