Шүүгдэгч З.Энхболд, Б.Энх-Амгалан нарт холбогдох хэргийн шүүх хурлыг шууд дамжуулж байна.

Яллагдагч Б.Энх-Амгалан, З.Энхболд нарт холбогдох хэргийг хянан шийдвэрлэсэн тухай:

Нийслэлийн прокурорын газраас “...Яллагдагч Б.Энх-Амгалангийн үйлдлийг Эрүүгийн хуулийн ерөнхий ангийн 2.2 дугаар зүйлийн 3, 3.1 дүгээр 1, 3, 3.2 дугаар зүйлийн 1 дэх хэсгийг тус тус журамлан мөн хуулийн тусгай ангийн 22.1 дүгээр зүйлийн 3 дахь хэсэгт зааснаар, 3.Энхболдын үйлдлийг Эрүүгийн хуулийн ерөнхий ангийн 3.1 дүгээр 1, 3, 3.4 дугаар зүйлийн 1 дэх хэсгийг тус тус журамлан мөн хуулийн тусгай ангийн 22.1 дүгээр зүйлийн 3 дахь хэсэгт зааснаар тус тус зүйлчлэн яллах дүгнэлт үйлдэж хэргийг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн шилжүүлжээ.

Нийслэлийн Эрүүгийн хэргийн давж заалдах шатны шүүхийн 2025 оны 04 дүгээр сарын 30-ны өдрийн 2025/ДШМ/495 дугаартай магадлалаар анхан шатны шүүхийн шийтгэх тогтоолыг хүчингүй болгож шийдвэрлэсэн байна.

Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхийн 2025 оны 07 дугаар сарын 24-ны өдрийн шүүхийн урьдчилсан хэлэлцүүлгийн хуралдаанаар дээрх давж заалдах шатны шүүхийн магадлалд заасан шүүх хуралдаанаар нөхөн гүйцэтгэх боломжгүй мөрдөн шалгах ажиллагааг хийлгэхээр хэргийг Нийслэлийн прокурорын газарт буцааж шийдвэрлэлээ.

Мөн шүүхийн урьдчилсан хэлэлцүүлгийн хуралдаанд яллагдагч Б.Энх-Амгалангийн өмгөөлөгчийн түүний эрүүл мэндийн байдалтай холбоотойгоор гаргасан таслан сэргийлэх арга хэмжээг өөрчлөх тухай хүсэлтийг хүлээн авч, яллагдагч Б.Энх-Амгаланд урьд авсан цагдан хорих таслан сэргийлэх арга хэмжээний үндэслэл арилсан байх тул таслан сэргийлэх арга хэмжээг  өөрчилж, хэргийг прокурорт очтол түүнд Монгол Улсын хилээр гарахыг хязгаарлах хязгаарлалт  тогтоох таслан сэргийлэх арга хэмжээ авч шийдвэрлэв.