Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Засгийн газар өнгөрсөн наймдугаар сарын 06-нд Хойд бүсийн Хавдрын оношилгоо, эмчилгээний дэд төв байгуулах шийдвэр гаргасан. Энэ дагуу өчигдөр /2025.09.07/ Эрдэнэт хотод дэд төвийн үйл ажиллагааг нээлээ. Ингэснээр хойд бүсийн иргэд нарийн мэргэжлийн оношилгоо, эмчилгээг орон нутагтаа хийлгэх боломжтой боллоо.
Хүний нөөцийн хувьд 177 орон тоотой. Хавдар судлалын үндэсний төвөөс 10 эмч ирж, ажиллана. 35 хүн хэвтүүлэн эмчлэх боломжтой төдийгүй өдрөөр 30 хүнд химийн эмчилгээ хийнэ. Түүнчлэн амбулаториор өдөрт 500 хүнд үйлчлэх хүчин чадалтай. Хойд бүсэд хавдрын оношилгоо, эмчилгээний дэд төв байгуулагдсанаар Хавдар судлалын үндэсний төвийн ачаалал 16 хүртэл хувиар буурах юм байна. Мөн хувь хүн, гэр бүлд ирэх санхүүгийн дарамт буурах, цаг хугацаа хэмнэх давуу тал бий болж байна.
Хөвсгөл, Булган, Орхон, Дархан-Уул, Сэлэнгэ аймагт амьдарч буй 525 мянган хүний 10 гаруй хувь нь хавдрын хяналтад байна
Тус дэд төв эрт илрүүлэг, оношилгоо, эмчилгээ гээд цогц үйлчилгээ үзүүлнэ. Тухайлбал эмэгтэйчүүд, элэгний болон хөхний хорт хавдрын мэс засал хийхэд бэлэн болжээ. Одоогоор хоёр MRI болон томографийн аппарат суурилуулжээ. Цаашид үе шаттайгаар нарийн мэргэжлийн тоног төхөөрөмжөөр хангахаар төлөвлөсөн байна.
Хөвсгөл, Булган, Орхон, Дархан-Уул, Сэлэнгэ аймагт амьдарч буй 525 мянган хүний 10 гаруй хувь нь хавдрын хяналтад байна. Мөн энэ бүс нутагт хавдраар жилд 900 гаруй хүн нас бардаг. Мөн жилд 580 орчим хүн өвдөх эрсдэлтэй гэсэн судалгааг ХСҮТ-өөс гаргажээ. Эдгээр баримт нь хойд бүс хавдрын өвчлөлөөр нэгдүгээрт, нас баралтаар хоёрдугаарт бичигдэж байна гэсэн үг. Энэ бүс нутагт хавдраар өвдсөн иргэдийн 71.3 хувь нь хожуу шатандаа оношлогдож байгаа юм.
Монгол улсын Ерөнхий сайд Г.Занданшатар, ХСҮТ-ийн Захирал Ц.Батболд зэрэг албаныхан Хойд бүсийн Хавдрын оношилгоо, эмчилгээний дэд төвийн нээлтэд оролцлоо.
"2026 ОНЫ ЭРҮҮЛ МЭНДИЙН ТӨСВИЙГ 5,5 ДАХИН НЭМСЭН"
МУ-ын Ерөнхий сайд Г.Занданшатар:
Хавдрын шалтгаант нас баралтаараа Монгол Улс дэлхийд нэгдүгээрт бичигдэж байна. Тэр дундаа элэг, ходоодны, дотор эрхтний хавдрын өвчлөл, нас баралт өндөртэй улсуудын нэг. Тэр дундаа улсын хойд бүс бол хорт хавдрын өвчлөлийн улмаас нас баралтаар хоёрдугаарт, өвчлөлөөр нэгдүгээрт орж байна. Тиймээс тэдэнд ойр оношилгооны төвийг ашиглалтад оруулснаар иргэдэд үзүүлэх эмнэлгийн үйлчилгээний чанар, хүртээмжийг нэмэгдүүлнэ. Хорт хавдартай нэг хүн Улаанбаатар хотод оношилгоо хийлгэх гэсэн хүмүүс нэг сар хөөцөлдөж, жилд арав гаруй удаа очиж үзүүлэх, хяналтад орохоос үүдэн удаан хугацаанд хүлээж, ачаалал нэмэгддэг. Уг төвлөрлийг сааруулах ажлын хүрээнд бүсүүдэд хавдрын оношилгооны төвүүдийг байгуулах ажлын хүрээнд хойд бүсэд Эрдэнэт Медикал төвийг нээлээ.
Эрт илрүүлгийг хийж байж л хорт хавдартай тэмцэх учир иргэдийг энэ төрлийн илрүүлэг оношилгоонд хамруулах боломжийг нээхээр эрмэлзэж байна.
Ингэснээр хойд бүсийн хавдартай, болон оношлуулах шаардлагатай иргэдийн зардал чирэгдэл, нийгмийн асуудлыг шийдэж буй. Мөн долоон төрлийн хорт хавдрын мэс засал, химийн эмчилгээг хэтдээ хийнэ. ХСҮТ-ийн харьяа болж байгаа учир эмч нартай туршлага солилцож, 2026 оноос хиймэл оюун ухаанаар буюу роботоор мэс засал хийх технологийг нэвтрүүлэхээр төлөвлөж буй. Хүний хөгжлийг хамгийн том мега төсөл байх шаардлагатай гэж үзэн энэ жилийн төсвийг ард иргэдийн оролцоотой боловсруулсан. Энэ хүрээнд 200 мянган иргэний оролцоотой хэлэлцүүлгээс 195 мянга нь буюу дийлэнх нь эрүүл мэндийн салбарт онцгой анхаарахыг хүссэн. Тэр дундаа эх хүүхдийн эмнэлэг, хавдрын эмнэлэгт онцгойлон анхаарч, шинэ үйлчилгээг нэвтрүүлэхээр ажиллаж байна.
2026 оны эрүүл мэндийн төсвийг 5,5 дахин нэмэгдүүлж, ₮1,3 их наядын хөрөнгө оруулалтыг зарцуулахаар төлөвлөсөн. Эрт илрүүлгийг хийж байж л хорт хавдартай тэмцэх учир иргэдийг энэ төрлийн илрүүлэг оношилгоонд хамруулах боломжийг нээхээр эрмэлзэж байна. Оношлогдсон хавдрын 72 хувь нь хожуу шатандаа аль хэдийнэ орж эмчлэгдэхгүй байна гэсэн тоо байна. Тиймээс энэ мэт оношилгооны төвийг цаашид бүсчлэн байгуулах болно.
"ХОЙД БҮСИЙН ИРГЭД ХАВДРЫН ЭМЧИЛГЭЭ ХИЙЛГЭХЭД САНХҮҮ, ЦАГ ХУГАЦААНЫ ДАРАМТ БАГАСНА"
ХСҮТ-ийн Захирал Ц.Батболд:
Хойд бүсийн хавдрын оношилгоо, эмчилгээний дэд төвийн үйл ажиллагаа үе шаттай явагдана. Эхний ээлжид 5 кабинетийг нээж, эмч мэргэжилтнүүдийг сургаж, үйлчилгээ явуулах гээд шат дараалалтай. Гол ач холбогдол нь мэдээж хойд бүсийн иргэдэд хавдрын эсрэг эмчилгээ хийхэд санхүүгийн дарамт багасна, гэртээ байхдаа ч тусламж үйлчилгээ авах боломжтой, заавал хот руу явах шаардлагагүй эмчилгээгээ хийлгэх нөхцөл бүрдэнэ.
Улмаар нийгэм, эдийн засгийн байдалд нь эерэг нөлөөтэй. Тоног төхөөрөмж, хүний нөөцийн хувьд бололцоотой ч хавдрын тусламж үйлчилгээ үзүүлэхэд мэс заслын онцгой нарийн тоног төхөөрөмж шаардлагатай. Гэхдээ цаашид 2026-2027 онуудад үе шаттай хэрэгжүүлнэ. Эмч мэргэжилтнүүдээ сургах, туршлага солилцох төлөвлөгөөг ойрын болон дунд хугацааны байдлаар гаргаад байна. Энэхүү хойд бүсийн төв нээгдсэнээр ХСҮТ-ийн ачааллыг 10-16 хувиар бууруулна гэж тооцож байна.
Засгийн газар өнгөрсөн наймдугаар сарын 06-нд Хойд бүсийн Хавдрын оношилгоо, эмчилгээний дэд төв байгуулах шийдвэр гаргасан. Энэ дагуу өчигдөр /2025.09.07/ Эрдэнэт хотод дэд төвийн үйл ажиллагааг нээлээ. Ингэснээр хойд бүсийн иргэд нарийн мэргэжлийн оношилгоо, эмчилгээг орон нутагтаа хийлгэх боломжтой боллоо.
Хүний нөөцийн хувьд 177 орон тоотой. Хавдар судлалын үндэсний төвөөс 10 эмч ирж, ажиллана. 35 хүн хэвтүүлэн эмчлэх боломжтой төдийгүй өдрөөр 30 хүнд химийн эмчилгээ хийнэ. Түүнчлэн амбулаториор өдөрт 500 хүнд үйлчлэх хүчин чадалтай. Хойд бүсэд хавдрын оношилгоо, эмчилгээний дэд төв байгуулагдсанаар Хавдар судлалын үндэсний төвийн ачаалал 16 хүртэл хувиар буурах юм байна. Мөн хувь хүн, гэр бүлд ирэх санхүүгийн дарамт буурах, цаг хугацаа хэмнэх давуу тал бий болж байна.
Хөвсгөл, Булган, Орхон, Дархан-Уул, Сэлэнгэ аймагт амьдарч буй 525 мянган хүний 10 гаруй хувь нь хавдрын хяналтад байна
Тус дэд төв эрт илрүүлэг, оношилгоо, эмчилгээ гээд цогц үйлчилгээ үзүүлнэ. Тухайлбал эмэгтэйчүүд, элэгний болон хөхний хорт хавдрын мэс засал хийхэд бэлэн болжээ. Одоогоор хоёр MRI болон томографийн аппарат суурилуулжээ. Цаашид үе шаттайгаар нарийн мэргэжлийн тоног төхөөрөмжөөр хангахаар төлөвлөсөн байна.
Хөвсгөл, Булган, Орхон, Дархан-Уул, Сэлэнгэ аймагт амьдарч буй 525 мянган хүний 10 гаруй хувь нь хавдрын хяналтад байна. Мөн энэ бүс нутагт хавдраар жилд 900 гаруй хүн нас бардаг. Мөн жилд 580 орчим хүн өвдөх эрсдэлтэй гэсэн судалгааг ХСҮТ-өөс гаргажээ. Эдгээр баримт нь хойд бүс хавдрын өвчлөлөөр нэгдүгээрт, нас баралтаар хоёрдугаарт бичигдэж байна гэсэн үг. Энэ бүс нутагт хавдраар өвдсөн иргэдийн 71.3 хувь нь хожуу шатандаа оношлогдож байгаа юм.
Монгол улсын Ерөнхий сайд Г.Занданшатар, ХСҮТ-ийн Захирал Ц.Батболд зэрэг албаныхан Хойд бүсийн Хавдрын оношилгоо, эмчилгээний дэд төвийн нээлтэд оролцлоо.
"2026 ОНЫ ЭРҮҮЛ МЭНДИЙН ТӨСВИЙГ 5,5 ДАХИН НЭМСЭН"
МУ-ын Ерөнхий сайд Г.Занданшатар:
Хавдрын шалтгаант нас баралтаараа Монгол Улс дэлхийд нэгдүгээрт бичигдэж байна. Тэр дундаа элэг, ходоодны, дотор эрхтний хавдрын өвчлөл, нас баралт өндөртэй улсуудын нэг. Тэр дундаа улсын хойд бүс бол хорт хавдрын өвчлөлийн улмаас нас баралтаар хоёрдугаарт, өвчлөлөөр нэгдүгээрт орж байна. Тиймээс тэдэнд ойр оношилгооны төвийг ашиглалтад оруулснаар иргэдэд үзүүлэх эмнэлгийн үйлчилгээний чанар, хүртээмжийг нэмэгдүүлнэ. Хорт хавдартай нэг хүн Улаанбаатар хотод оношилгоо хийлгэх гэсэн хүмүүс нэг сар хөөцөлдөж, жилд арав гаруй удаа очиж үзүүлэх, хяналтад орохоос үүдэн удаан хугацаанд хүлээж, ачаалал нэмэгддэг. Уг төвлөрлийг сааруулах ажлын хүрээнд бүсүүдэд хавдрын оношилгооны төвүүдийг байгуулах ажлын хүрээнд хойд бүсэд Эрдэнэт Медикал төвийг нээлээ.
Эрт илрүүлгийг хийж байж л хорт хавдартай тэмцэх учир иргэдийг энэ төрлийн илрүүлэг оношилгоонд хамруулах боломжийг нээхээр эрмэлзэж байна.
Ингэснээр хойд бүсийн хавдартай, болон оношлуулах шаардлагатай иргэдийн зардал чирэгдэл, нийгмийн асуудлыг шийдэж буй. Мөн долоон төрлийн хорт хавдрын мэс засал, химийн эмчилгээг хэтдээ хийнэ. ХСҮТ-ийн харьяа болж байгаа учир эмч нартай туршлага солилцож, 2026 оноос хиймэл оюун ухаанаар буюу роботоор мэс засал хийх технологийг нэвтрүүлэхээр төлөвлөж буй. Хүний хөгжлийг хамгийн том мега төсөл байх шаардлагатай гэж үзэн энэ жилийн төсвийг ард иргэдийн оролцоотой боловсруулсан. Энэ хүрээнд 200 мянган иргэний оролцоотой хэлэлцүүлгээс 195 мянга нь буюу дийлэнх нь эрүүл мэндийн салбарт онцгой анхаарахыг хүссэн. Тэр дундаа эх хүүхдийн эмнэлэг, хавдрын эмнэлэгт онцгойлон анхаарч, шинэ үйлчилгээг нэвтрүүлэхээр ажиллаж байна.
2026 оны эрүүл мэндийн төсвийг 5,5 дахин нэмэгдүүлж, ₮1,3 их наядын хөрөнгө оруулалтыг зарцуулахаар төлөвлөсөн. Эрт илрүүлгийг хийж байж л хорт хавдартай тэмцэх учир иргэдийг энэ төрлийн илрүүлэг оношилгоонд хамруулах боломжийг нээхээр эрмэлзэж байна. Оношлогдсон хавдрын 72 хувь нь хожуу шатандаа аль хэдийнэ орж эмчлэгдэхгүй байна гэсэн тоо байна. Тиймээс энэ мэт оношилгооны төвийг цаашид бүсчлэн байгуулах болно.
"ХОЙД БҮСИЙН ИРГЭД ХАВДРЫН ЭМЧИЛГЭЭ ХИЙЛГЭХЭД САНХҮҮ, ЦАГ ХУГАЦААНЫ ДАРАМТ БАГАСНА"
ХСҮТ-ийн Захирал Ц.Батболд:
Хойд бүсийн хавдрын оношилгоо, эмчилгээний дэд төвийн үйл ажиллагаа үе шаттай явагдана. Эхний ээлжид 5 кабинетийг нээж, эмч мэргэжилтнүүдийг сургаж, үйлчилгээ явуулах гээд шат дараалалтай. Гол ач холбогдол нь мэдээж хойд бүсийн иргэдэд хавдрын эсрэг эмчилгээ хийхэд санхүүгийн дарамт багасна, гэртээ байхдаа ч тусламж үйлчилгээ авах боломжтой, заавал хот руу явах шаардлагагүй эмчилгээгээ хийлгэх нөхцөл бүрдэнэ.
Улмаар нийгэм, эдийн засгийн байдалд нь эерэг нөлөөтэй. Тоног төхөөрөмж, хүний нөөцийн хувьд бололцоотой ч хавдрын тусламж үйлчилгээ үзүүлэхэд мэс заслын онцгой нарийн тоног төхөөрөмж шаардлагатай. Гэхдээ цаашид 2026-2027 онуудад үе шаттай хэрэгжүүлнэ. Эмч мэргэжилтнүүдээ сургах, туршлага солилцох төлөвлөгөөг ойрын болон дунд хугацааны байдлаар гаргаад байна. Энэхүү хойд бүсийн төв нээгдсэнээр ХСҮТ-ийн ачааллыг 10-16 хувиар бууруулна гэж тооцож байна.
53 минутын өмнө