Ерөнхий сайд Л.Оюун-Эрдэнийг огцрохыг шаардсан жагсаалаас шууд дамжуулж байна.

Жагсагч залуусын төлөөлөл:

-Цалингаараа амьдрах гэхээр болж, бүтэхгүй байна. Би байртай, өөрийн гэсэн гэр, орон байхыг хүсдэг. Гэтэл өөрийн цалингаараа, өөрийн хүчээр лизингт оръё гэхээр бүтэхгүй юм. Урьдчилгааг цуглуулах гэхээр бас боломжгүй. Бид байрны урьдчилгаа цуглуулах гэж маш их хичээгээд болохгүй байхад, тэр хэмжээний мөнгөөр найз бүсгүйдээ цүнх, бөгж аваад өгчихсөн, тэр нь миний татварын мөнгө тул би энд өнөөдөр ирлээ.  

Жагсагчийн төлөөлөл:

-Би төрийн албанд ажилладаг, хажуугаар нь давхар ажил хийдэг. Гэхдээ би байртай болж чадаагүй, машингүй. Гэтэл Ерөнхий сайдын хүү найз бүсгүйдээ тийм үнэтэй бэлэг аваад өгч болж байгаа нь шударга бус. Тэр хүн ажил, төрөлгүй, төгссөн их, дээд сургуульгүй. Бид энд мянга хичээгээд сураад, ажиллаад одоогоор юутай ч болж чадаагүй байна. Сарын 2 сая төгрөгөөрөө амьдралаа болгоод л, байнга татвараа төлөөд л, сайн иргэн болоод л.