Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
БНСУ-ын Элчин сайдын яам, Нийслэлийн Аялал жуулчлалын газраас "Солонгосын соёл, аялал жуулчлалын өдрүүд" арга хэмжээг жил бүр уламжлал болгон зохион байгуулдаг билээ.
2015 онд анх зохион байгуулагдаж байсан уг өдөрлөг энэ удаад 10 дахь жилдээ өнгөрөгч амралтын өдрүүдэд буюу 2025 оны есдүгээр сарын 06-07-ны өдрүүдэд Д.Сүхбаатарын талбайд боллоо.
Уг өдрүүдэд хүрэлцэн ирсэн хүмүүст Солонгосын соёл урлаг, хоол хүнс, төрөл бүрийн бүтээгдэхүүнийг сурталчлан таниулж, улмаар Солонгосын талаарх ойлголтыг нэмэгдүүлж, хоёр орны хоорондын соёлын харилцааг идэвхжүүлэх зорилготой арга хэмжээ юм.
Урд өмнөхөөс илүү өргөн цар хүрээнд зохион байгуулагдсан энэ удаагийн арга хэмжээнд Солонгосын төлөөлөх 6 төрлийн урлагийн тоглолт болох таеквондо, уламжлалт бүжиг, үндэсний хөгжмийн тоглолт, фьюжн хөгжмийн тоглолт, K-POP бүжгийн үзүүлбэрүүдийг толилуулж, хоёр өдрийн турш нийт 22 үзүүлбэрийг толилууллаа.
"ИРЭХ 35 ЖИЛД ХОЁР УЛСЫН ХАРИЛЦААНД ХАМГИЙН ГОЛ САЛБАР БОЛ ИРГЭД ХООРОНДЫН СОЁЛЫН ХАРИЛЦАА"
БНСУ-аас Монгол Улсад суугаа Элчин сайд Чой Жин Вон "Монгол Улс болон БНСУ хоёр улс 1990 онд дипломат харилцаа тогтоосноос хойш улс төр, эдийн засаг, соёлын харилцаанд тулгуурлан хөгжиж ирсэн. Харин сүүлийн жилүүдэд соёл болон иргэд хоорондын солилцоо нь хоёр талын харилцааны шинэ салбар болон тодорч, бидний харилцаа улам бүр гүнзгийрч байна. Ирэх 35 жилд хоёр улсын харилцааг авч явах хамгийн гол салбар бол иргэд хоорондын болон соёлын харилцаа гэж бодож байна. Энэ удаагийн арга хэмжээ болон цаашдын харилцааны үндэс суурь болох юм. Найрсаг соёлын харилцаан дээрээ тулгуурлаж хоёр улсын иргэд хамтдаа хөгжих боломжийг эрэлхийлж байна" гэлээ.
Монгол иргэдэд визний хөнгөлөлт болон хил дээр очсон ч буцаагдаж буй асуудалд хэрхэн анхаарал хандуулж буй талаар асуухад тэрбээр "Саяхан хоёр улсын төрийн тэргүүнүүд утсаар ярьсан. Манай хоёр улсын голлох салбар бол өмнө нь дурдсанчлан иргэд хоорондын соёлын солилцоо юм. Уг солилцоог улам бүр нэмэгдүүлэх, таатай нөхцөлийг бүрдүүлэх тал дээр хоёр талын төрийн тэргүүнүүд санал солилцсон. Тиймээс манай элчин сайдын яамнаас авч болох арга хэмжээнүүдийг БНСУ-ын хууль тогтоомжид тааруулан иргэдэд аль болох таатай байлгахад хичээн ажиллах болно" гэлээ.
Мөн энэ удаагийн арга хэмжээнд Солонгосын нутгийн орон нутгийн засаг захиргааны төлөөлөл болох Өмнөд Жолла мужаас тусгайлан оролцож тухайн бүс нутгийн ААН-үүдийн онцлог бүтээгдэхүүнүүдийг танилцуулахаас гадна бүтээгдэхүүн, үйлчилгээгээ K-FOOD, K-BEAUTY хэсгүүдэд хуваасан байлаа.
"УЛААНБААТАР БОЛОН ӨМНӨД ЖОЛЛА МУЖИЙН ХАРИЛЦААНЫ СУУРИЙГ ТАВИНА ГЭЖ НАЙДАЖ БАЙНА"
Өмнөд Жолла мужийн Засаг дарга Ким Юн Рок Монголд хүрэлцэн ирсэн байсан ба тэрбээр "Энэ жил бол Монгол-Солонгосын дипломат харилцаа тогтоосны 35 жилийн ой тохиож буй онцгой жил бөгөөд энэ удаа Монгол Улс болон Өмнөд Жолла муж хоорондын хамтын ажиллагааны эхлэлийг тавих зорилгоор 4 өдрийн айлчлал хийж байна.
Айлчлалын эхний өдөр, хамтын ажиллагааны эхлэлийг илэрхийлж Тэрэлжийн байгалийн цогцолборт газарт 1,000 мод тарьсан. Үүнээс гадна, Улаанбаатар хоттой хамтын ажиллагааны хэлэлцээр байгуулах, “Солонгосын соёлын өдрүүд” арга хэмжээнд оролцож Өмнөд Жолла мужийн аялал жуулчлал болон аж ахуй нэгжүүдийг сурталчлах зэрэг хөтөлбөрүүд багтсан. Энэ удаагийн айлчлалаар дамжуулан Улаанбаатар хот болон Өмнөд Жолла муж, цаашлаад Монгол ба Солонгосын хамтын хөгжил цэцэглэлтэд суурь тавигдана гэж найдаж байна" гэсэн юм.
БНСУ-ын Элчин сайдын яам, Нийслэлийн Аялал жуулчлалын газраас "Солонгосын соёл, аялал жуулчлалын өдрүүд" арга хэмжээг жил бүр уламжлал болгон зохион байгуулдаг билээ.
2015 онд анх зохион байгуулагдаж байсан уг өдөрлөг энэ удаад 10 дахь жилдээ өнгөрөгч амралтын өдрүүдэд буюу 2025 оны есдүгээр сарын 06-07-ны өдрүүдэд Д.Сүхбаатарын талбайд боллоо.
Уг өдрүүдэд хүрэлцэн ирсэн хүмүүст Солонгосын соёл урлаг, хоол хүнс, төрөл бүрийн бүтээгдэхүүнийг сурталчлан таниулж, улмаар Солонгосын талаарх ойлголтыг нэмэгдүүлж, хоёр орны хоорондын соёлын харилцааг идэвхжүүлэх зорилготой арга хэмжээ юм.
Урд өмнөхөөс илүү өргөн цар хүрээнд зохион байгуулагдсан энэ удаагийн арга хэмжээнд Солонгосын төлөөлөх 6 төрлийн урлагийн тоглолт болох таеквондо, уламжлалт бүжиг, үндэсний хөгжмийн тоглолт, фьюжн хөгжмийн тоглолт, K-POP бүжгийн үзүүлбэрүүдийг толилуулж, хоёр өдрийн турш нийт 22 үзүүлбэрийг толилууллаа.
"ИРЭХ 35 ЖИЛД ХОЁР УЛСЫН ХАРИЛЦААНД ХАМГИЙН ГОЛ САЛБАР БОЛ ИРГЭД ХООРОНДЫН СОЁЛЫН ХАРИЛЦАА"
БНСУ-аас Монгол Улсад суугаа Элчин сайд Чой Жин Вон "Монгол Улс болон БНСУ хоёр улс 1990 онд дипломат харилцаа тогтоосноос хойш улс төр, эдийн засаг, соёлын харилцаанд тулгуурлан хөгжиж ирсэн. Харин сүүлийн жилүүдэд соёл болон иргэд хоорондын солилцоо нь хоёр талын харилцааны шинэ салбар болон тодорч, бидний харилцаа улам бүр гүнзгийрч байна. Ирэх 35 жилд хоёр улсын харилцааг авч явах хамгийн гол салбар бол иргэд хоорондын болон соёлын харилцаа гэж бодож байна. Энэ удаагийн арга хэмжээ болон цаашдын харилцааны үндэс суурь болох юм. Найрсаг соёлын харилцаан дээрээ тулгуурлаж хоёр улсын иргэд хамтдаа хөгжих боломжийг эрэлхийлж байна" гэлээ.
Монгол иргэдэд визний хөнгөлөлт болон хил дээр очсон ч буцаагдаж буй асуудалд хэрхэн анхаарал хандуулж буй талаар асуухад тэрбээр "Саяхан хоёр улсын төрийн тэргүүнүүд утсаар ярьсан. Манай хоёр улсын голлох салбар бол өмнө нь дурдсанчлан иргэд хоорондын соёлын солилцоо юм. Уг солилцоог улам бүр нэмэгдүүлэх, таатай нөхцөлийг бүрдүүлэх тал дээр хоёр талын төрийн тэргүүнүүд санал солилцсон. Тиймээс манай элчин сайдын яамнаас авч болох арга хэмжээнүүдийг БНСУ-ын хууль тогтоомжид тааруулан иргэдэд аль болох таатай байлгахад хичээн ажиллах болно" гэлээ.
Мөн энэ удаагийн арга хэмжээнд Солонгосын нутгийн орон нутгийн засаг захиргааны төлөөлөл болох Өмнөд Жолла мужаас тусгайлан оролцож тухайн бүс нутгийн ААН-үүдийн онцлог бүтээгдэхүүнүүдийг танилцуулахаас гадна бүтээгдэхүүн, үйлчилгээгээ K-FOOD, K-BEAUTY хэсгүүдэд хуваасан байлаа.
"УЛААНБААТАР БОЛОН ӨМНӨД ЖОЛЛА МУЖИЙН ХАРИЛЦААНЫ СУУРИЙГ ТАВИНА ГЭЖ НАЙДАЖ БАЙНА"
Өмнөд Жолла мужийн Засаг дарга Ким Юн Рок Монголд хүрэлцэн ирсэн байсан ба тэрбээр "Энэ жил бол Монгол-Солонгосын дипломат харилцаа тогтоосны 35 жилийн ой тохиож буй онцгой жил бөгөөд энэ удаа Монгол Улс болон Өмнөд Жолла муж хоорондын хамтын ажиллагааны эхлэлийг тавих зорилгоор 4 өдрийн айлчлал хийж байна.
Айлчлалын эхний өдөр, хамтын ажиллагааны эхлэлийг илэрхийлж Тэрэлжийн байгалийн цогцолборт газарт 1,000 мод тарьсан. Үүнээс гадна, Улаанбаатар хоттой хамтын ажиллагааны хэлэлцээр байгуулах, “Солонгосын соёлын өдрүүд” арга хэмжээнд оролцож Өмнөд Жолла мужийн аялал жуулчлал болон аж ахуй нэгжүүдийг сурталчлах зэрэг хөтөлбөрүүд багтсан. Энэ удаагийн айлчлалаар дамжуулан Улаанбаатар хот болон Өмнөд Жолла муж, цаашлаад Монгол ба Солонгосын хамтын хөгжил цэцэглэлтэд суурь тавигдана гэж найдаж байна" гэсэн юм.
2026-03-02