“Токио 2020” Паралимпын наадмын үеэр хөгжлийн бэрхшээлтэй иргэдэд зориулсан технологийн хөгжил олны анхаарлын төвд байлаа.

Тухайлбал: “Honda Motor” компанийн хамгийн сүүлийн уралдааны тэргэнцэр болох “Kakeru” загварыг онцолж болохоор байна. Энэхүү загвар нь нүүрстөрөгчийн технологийг ашигласан бөгөөд нийт жин нь ердөө 7.9 кг буюу бусад загвараас хамгийн хөнгөн ажээ.

Швейцар улсын тамирчин Мануэла Шер энэ загварыг ашигласан байна. Тэрбээр 400 болон 800 метрийн уралдаанд түрүүлж Алтан медалийн эзэн болсон төдийгүй 1500, 5000 метрийн уралдаанд Мөнгөн медаль хүртсэн юм.

Үүнээс гадна дугуйн бүрээс үйлдвэрлэгч “Bridgestone”, спорт хувцас үйлдвэрлэгч “Mizuno” зэрэг компаниуд Паралимпийн наадмын тамирчдад зориулсан тоног, төхөөрөмж үйлдвэрлэж байгаа аж.