2024 оны УИХ-ын ээлжит сонгуульд оролцох хүмүүсийн нэрсийн жагсаалтаа нам эвслүүд танилцуулсан. Үүнтэй холбоотойгоор Ардчилсан Намын Үндэсний бодлогын хорооны гишүүдийн төлөөлөл зарим асуудлаар Сонгуулийн ерөнхий хороонд гомдол гаргана гэдгээ мэдэгдэв. 

Тодруулбал тус намаас ҮБХ-ны гишүүн биш хүмүүс нэр дэвшиж байгаа нь шударга бус, хууль зөрчсөн үйлдэл гэж үзэж байгаа аж. 

Тэдний төлөөлөл: Х.Баттулга, Л.Мөнхбаясгалан, Н.Алтанхуяг, С.Ганбаатар нар Ардчилсан Намын гишүүн биш. Энэ мэтчилэн дурдвал 30 гаруй хүний ийм асуудал байна. Эдгээр хүний хэзээ намд элссэн, баталгаажуулсан баримт байхгүй байна. 
Сонгуульд нэр дэвшигчдээ зарлахдаа шударга зарчмаар сонгох хэрэгтэй, тэр тусмаа барууны үзэл баримтлалтай Ардчилсан Нам энэ тал дээр анхаарах хэрэгтэй гэв. 

Мөн жагсаалтын нэр дэвшигчидтэй холбоотой асуудлаар намын гишүүн Д.Сосорбарам "Намын дарга зэрэг хүмүүс тойрогт дэвшиж, өрсөлдөх ёстой. Сэтгэлгээ залуу хүмүүсийг жагсаалтад оруулах нь зөв" гэсэн юм. 

Ардчилсан Намын Үндэсний бодлогын хорооны гишүүд Сонгуулийн ерөнхий хороонд гомдол гаргасан талаар мэдээлж байна.