Жижиг, дунд бизнес эрхлэгчдийг дэмжих зорилгоор жил бүр “Амар байна уу” үзэсгэлэн худалдааг зохион байгуулдаг. Гурав дахь жилдээ болж буй уг үзэсгэлэн Их наяд плаза 5,6 давхар, Соёолж төвийн 2 давхарт болж байна.  Тус хоёр төв гүүрээр холбогдсон бөгөөд хоорондын зай ойрхон.

Энэ жилийн онцлог нь хотын А бүсэд болж буй бөгөөд талбайн түрээс урьдынхаараа үнэ, төлбөргүй хэвээр. Талбай үнэ төлбөргүй учраас борлуулж буй бүтээгдэхүүний үнэ хямд байх шаардлага тавьдаг аж. Бид үндэсний дээл хувцас, цагаан идээ, хэвийн боов,  бэлэг дурсгалын үнийг судлахаар тус үзэсгэлэнг  зорилоо.   

Хүнсний бүтээгдэхүүн, бэлэг дурсгал, хувцасны хэсэг гэж ангилж байрлажээ. Цагаан идээ худалдаалж буй хүмүүс ихэнх нь малчид, хүссэн ааруул, хэвийн боовноос амсаж үзэн сонголтоо хийх боломжтой байв.  

• Хорхой ааруул 30-35 мянга   
• Хэвтэй ааруул 40-45 мянга
• Урт хэвтэй багц ааруул-450 мянгаас-500 мянгын хооронд байв. Үүнд: 3 давхар ааруул, еэвэн хэлбэрт ааруул болон чимэглэх ааруул дагалдана.
• Өрөм- нэг килограмм нь 25-35 мянган
• Зөөхий- 40 мянга
• Хольсон тос- 30-35 мянга
• Айраг- 2 литр- 18 мянга
• Монгол шар тос 40-45 мянга
• Цөцгий - 30 мянган  төгрөгийн хооронд байв.

Тус арга хэмжээнд үйлдвэрийн хэвийн боовнууд харагдана. Үнэ болон амт чанарын тухайд:

•     Гандангийн хэвийн боов: 5000-8000 төгрөг. Орцонд нь орсон шар тос их орох тусмаа үнэ өсдөг бол, бага орсон бол үнэ хямд байдаг аж.
•     Сүлжмэл боов-  6000-7000 төгрөг
•     Өгөөмж архад- 6000-7500 төгрөг
•     Гүрмэл боов 6000- 7000 төгрөг
•     Тавгийн суурь еэвэн 18- 25 мянган төгрөгийн хооронд байв.

Мөн амталж даршилсан ногоо, өргөст хэмх, саримс зэрэг ургацын ногоонууд харагдлаа. Орон нутгийн тариаланчид өөрсдийн гараар ногоогоо тарьж ургуулан даршилснаа хэлж байв. Үнийн хувьд 8000-15000 мянган төгрөгийн үнэтэй. Тус үзэсгэлэн худалдаа хоёрдугаар сарын 1-27-ны өдөр хүртэл үргэлжлэх юм.