УИХ-ын чуулганы үдээс хойших хуралдаан эхэллээ. Ерөнхий сайд Г.Занданшатар үндэсний эдийн засгийн аюулгүй байдлыг хангах зорилгоор Засгийн газрын бүрэлдэхүүний тухай хуульд өөрчлөлт оруулах тухай хуулийн төслийг УИХ-ын чуулганаар яаралтай хэлэлцүүлэхээр өнөөдөр (2025.06.20) өргөн мэдүүлжээ. Яаралтайгаар хэлэлцэх эсэхийг шийдвэрлэхээр санал хурааж байна.

УИХ-ын 52 гишүүн буюу 54.7 хувь нь дэмжсэн тул Засгийн газрын бүрэлдэхүүний тухай хуульд өөрчлөлт оруулах тухай болон хамт өргөн мэдүүлсэн хуулийн төслийг Төрийн байнгын хороонд шилжүүлэв.