Төрийн байгуулалтын байнгын хорооны шийдвэртэй холбоотойгоор УИХ-ын гишүүн Б.Батбаатар мэдээлэл өглөө. Түүний хувьд нууцаар санал хураахыг эсэргүүцсэн. 

Тэрбээр "УИХ-ын гишүүд бол иргэн биш. Иргэний сонголт хийх эрх нь нууцаар байх нь зүй ёсны асуудал. Сонгуулиар бид ингэж өгдөг. УИХ-ын гишүүд бол хариуцлага хүлээсэн хүмүүс. Миний хувьд чуулганы хуралдаанд байнгын хороонд өгсөн саналаа л адилхан өгнө. 

Нэг ёсондоо нээлттэй, ил өгөх дээр кнопоо дарна. Ерөнхий сайдыг томилох, огцруулах, итгэл үзүүлэх, үзүүлэхгүйг шийдэх эрх Төрийн байгуулалтын байнгын хороонд байхгүй. УИХ-ын нэгдсэн чуулганд л тэр эрх бий. УИХ дээр гишүүд байр сууриа илэрхийлж, асуулт асуугаад явах байх. Ерөнхий сайдаас асуусан асуултынхаа хариултыг бүрэн авч чадаагүй. Чуулган дээр нэмж өөр асуултууд асууна.

-Та Ерөнхий сайдад итгэл үзүүлэх үү?
-Чуулганы хуралдаан дээр итгэл үзүүлэх эсэх саналыг ил байдлаар хураавал тэндээс нээлттэй хараарай.