GoGo.mn сайт уншигч та бүхэнд зориулж шинэ оны босгон дээр буюу 2019 оны арванхоёрдугаар сарын 31-ний өдөр “GoGo-ийн асуултууд” буланг анх танилцуулсан.

Нийгэмд хөндөх ёстой бараан сэдэв олон ч гэгээлэг, сэтгэл дулаацуулам мэдээ, мэдээлэл ч мөн хэрэгтэй. Иймд эерэг энерги түгээх нь энэ булангийн зорилго юм.

Бид анхны дугаартаа жүжигчин Б.Одончимэгийг зочноор урисан ба түүний “Эмэгтэй хүний уйлах, инээх, баярлах, гуних нь ИЛ БАЙВАЛ ГОЁ” нэртэй видео контент өнөөдрийн байдлаар нэг сая 200 мянган үзэгчид хүрч, 25 мянган лайк, шэйр авчээ.

Одоогийн байдлаар “GoGo-ийн асуултууд” булангийн долоон дугаарыг та бүхэнд хүргээд байна.

• Бодибилдинг фитнессийн дэлхийн аварга Б.Хүсэлтүвшин: Хөдөлмөрөөрөө олсон мөнгө хэзээ ч халтар харагддаггүй
• Дуучин Б.Уранзаяа: ХҮНДЛЭЛ, ХАЙР, ИТГЭЛЦЭЛ хосын харилцааг бат бэх болгодог
• “The Voice of Mongolia 2018” шоуны шилдэг оролцогч Б.Өсөхбаяр: Эмэгтэй хүн бүр цэцэг шиг. Ээжийгээ хайраар усалж, жаргаахыг хүсдэг
• Зэвсэгт хүчний 015 дугаар ангийн Зэвсэглэлийн төв агуулахын нярав, ахлах ахлагч Г.Мөнхгал: Газар хэвтэх ганц чулуунаас ЭХ ОРОН эхэлнэ
• “Volume Plus” телевизийн захирал Д.Уранзаяа: Хайрлуулсан хүн СЭТГЭЛИЙН АМАР АМГАЛАНГ мэдэрдэг
• Жүжигчин У.Цогтбаяр: Өөрөө ч машингүй байхад, миний нэрээр ПРИУС өгөх уралдаан зарласан байсан

Жүжигчин У.Цогтбаярын оролцсон инээдмийн баярын  дугаар нэг хоногийн дотор 770 мянган үзэгчид хүрчээ.

Б.Өсөхбаярын ээждээ гэнэтийн бэлэг барьж, нулимс дуслуулан зогсох агшин, Д.Уранзаяагийн хайртай залуудаа сэтгэлийн үгээ хэлэх мөч гээд олон сайхан үйл явдлын гэрч болж “GoGo-ийн асуултууд”-тай хамт байгаарай.