Салхин цэцэг өвчний эмчилгээний дараах анхаарах зүйлсийн талаар ХӨСҮТ-ийн  Насанд хүрэгчдийн цочмог гепатитын тав дугаар тасгийн их эмч Б.Дөлгөөн мэдээлэл хүргэлээ.

Тэрээр "Салхин цэцэг өвчин агаар дуслын замаар халдварладаг. Вирусээр үүсгэгдэг, амьсгалын замын халууралт тууралттай цочмог халдварт өвчин юм. Энэ өвчний нууц хугацаа урт 10-21 хоног халдвар өндөртэй өвчинд тооцогддог.

Салхин цэцгийн нууц хугацааны төгсгөлөөс сүүлийн тууралт гарсан таван хоногийн дотор агаар дуслын замаар бусдад халдварладаг. Салхин цэцэг өвчин бага насны буюу 0-7 насны  хүүхдүүдэд элбэг тохиолддог. Цчир нь томчууд багадаа энэ өьчнийг тусаад, дархлаатай болсон байдаг.

Салхин цэцэг өвчний халдвар авсан бол өдөр бүр тогтмол усанд орж, арьсны гадаргууг халдваргүй болгох ёстой”

Анхны шинж тэмдэг нь халуурах, тууралт гаргах гардаг. Эдгээр шинж тэмдэг илэрвэл эрүүл мэндийг байгууллагад хандаж зөвлөгөө, зөвлөмж авах хэрэгтэй.

Эцэг эх болон зарим иргэдийн хувьд салхин цэцгийн тууралт гарсантай холбоотойгоор гэрээр дур мэдэж эмчилгээ хийж хүндрэлд хүргэдэг. Тухайлбал, арьсны идээт үрэвсэл, вирусээр үүсгэгдсэн уушгины хатгалгаа, менингококкт бий болгодог. Тиймээс зайлшгүй мэргэжлийн эмчид хандаарай.

Салхин цэцэг өвчин туссан үед агаарт гарч болно. Гарахдаа амны хаалт зүүж, бусад халдвар тараахгүйгээр агаарт гаргах хэрэгтэй. Мөн  салхин өвчний халдвар авсан бол өдөр бүр тогтмол усанд орж, Салхин цэцэг өвчин нь үрэвслийн шингэн агуулсан, бохир тууралттай байдаг тул арьсны гадаргууг халдваргүй болгох ёстой” гэлээ.

Дэлгэрэнгүйг дараах видеоноос үзнэ үү.