“Ашигт малтмалын лиценз”-тэй холбоотой нотлох баримтыг шинжлэн судлах сонсгол хоёр дахь өдрөө үргэлжилж байна.

Нутгийн захиргааны байгууллагаас ашигт малтмал хайх, ашиглах зориулалтаар олгож буй зөвшөөрөл түүний хэрэгжэлтийн талаарх нотлон баримтыг шинжээч танилцуулав.

Өөр төрлийн илрэлтэй талбайд түгээмэл тархацтай ашигт малтмалын тусгай зөвшөөрлийг аймгийн Засаг дарга нар олгосон гэж шинжээч дүгнэлтээ танилцууллаа.

Энэ үеэр Экологийн Цагдаагийн албаны Зөрчил хянан шалгах хэлтсийн дарга н.Шинэбаатар “Сүүлийн 10 жилийн байдлаар хүрээлэн буй орчны 7200 гаруй хэрэг шалган шийдвэрлэжээ. Үүнд бичил уурхай ашиглах, түгээмэл тархацтай ашигт малтмал олборлох асуудлаар өнгөрсөн хугацаанд 920 хүн энэ төрлийн гэмт хэрэгт холбогдсон.

Бүтээн байгуулалт, үерийн эрсдэлээс хамгаалах нэрийн дор түгээмэл тархцын зөвшөөрөл олгоод уул ухуулчихдаг.

Тухайлбал Дундговь аймагт хамгийн олон удаа түгээмэл тархацтай талбайд олборлолт хийх зөвшөөрлийг ашиглалтын А лицензтэй давхцуулж олгодог зөрчил илэрдэг. Бүтээн байгуулалт, үерийн эрсдэлээс хамгаалах нэрийн дор түгээмэл тархцын зөвшөөрөл олгоод уул ухуулчихдаг. Улаанбаатарт зуслангийн чиглэлд маш олон уулын талбайг ухчихсан байдаг. Цагдаагийн албанаас газар дээр нь очиж шалгалт явуулахад айлын хашаан доторх газрыг тэгшилнэ гэх нэрийн дор ашигт малтмал олборлож байдаг. Энэ бол нийтлэг болсон. Ингээд хуулиараа зөрчлийн шинжтэй бол Нийслэлийн байгаль орчны газар шалган шийдвэрлэх ёстой байдаг. Гэтэл анх зөвшөөрөл олгосон газар нь Нийслэлийн байгаль орчны газар болж таардаг” гэлээ.