Ази даяарх залуу уран бүтээлчдийг нийгмийн асуудлыг хөндсөн богино хэмжээний кино бүтээлийн бүсийн хэмжээний уралдаан болох Inspiring Asia Micro Film Festival-д өрсөлдүүлэх Монголын залуу кино бүтээгчдийн бүтээлүүдийг дэлгэн үзүүллээ. 

Энэ жил “Залуусын сэтгэл зүйн эрүүл мэнд” сэдвийн дор зохион байгуулагдсан Inspiring Asia бичил кино наадамд нийт Азийн 50 гаруй орны 860 гаруй бүтээл хүлээн авснаас Монгол улсаас 6 уран бүтээл урьдчилсан шатанд тэнцэж үүнээс 2 нь хагас шигшээд, 2 нь гранд финалд шалгарч түүхэн амжилт гаргаад байна. 

Эдгээр 6 бичил киног толилуулах үзвэрийн арга хэмжээ амжилттай болж өнгөрлөө. 

Inspiring Asia бичил кино наадам 

Дөрөв дэх жилдээ зохион байгуулагдаж буй энэхүү наадам нь нийгэм, байгаль орчны чиглэлээр эерэг өөрчлөлт авчрах чин хүсэлтэй залууст урам зориг өгч, тэдний дуу хоолойг Ази тивд түгээж, дэмжих зорилготой санаачилга билээ. 

Монгол залуусын сэтгэл зүйн эрүүл мэнд 

Монгол улсад 3 хүн тутмын 2 нь 35 доош насны залуус эзэлдэг хэдий ч тэдэнд хамгийн ихээр тулгамдаж буй асуудал анхаарлаас гадуур орхигдсоор байна. 

ДЭМБ-ын судалгаагаар өсвөр насны амиа хорлолтоор Монгол улс бүс нутагтаа хамгийн дээгүүр ордог бөгөөд 5 хүүхэд тутмын 1 нь амиа хорлох талаар нухацтай бодож, 2 хүүхэд тутмын 1 нь сэтгэл түгших эмгэгт өртдөг байна. 

Гэвч ихэнх нь чимээгүй тэмцэж, тусламж, үйлчилгээ тэр болгон авч чадалгүй нийгмээс тусгаарлагдсаар байна. 

Лоринэт Сан нь Inspiring Asia 2025 бичил кино наадмын албан ёсны хамтрагч бөгөөд Монголын ирээдүй болсон хүүхэд, залуусын боловсрол, хөгжилд чиглэсэн нийгмийн хөрөнгө оруулалт хийдэг байгууллага юм. 

Энэ жил 51 орноос 90 гаруй нийгмийн төсөл Inspiring Asia 2025 бичил кино наадамд оролцжээ.

Зургаан бүс нутгийн шалгаруулалтын дараа 19 төсөл үндсэн шалгаруулалтад шалгарсан байна. Тэдгээрээс есөн шилдэг төсөл хагас Финалд өрсөлдөн гурван финалист тодорчээ.

Сингапур - Бүтээлийн нэр: Holding Space: Changing Lives
Монгол - Бүтээлийн нэр: Light Up
Тайланд - Бүтээлийн нэр: When the Bench Hears