Алтан бөмбөрцөгийн 80 дахь удаагийн наадам өчигдөр ёслол төгөлдөр болж өндөрлөлөө. Энэ жилийн наадмын онцлогоос дурдъя.

АРЬС ӨНГӨӨР ЯЛГАВАРЛАХ ҮЗЛИЙН АСУУДЛЫГ ДАХИН ХӨНДӨВ

Энэ жилийн наадмын хөтлөгчөөр инээдмийн жүжигчин Жеррод Кармайкл ажилласан. Тэрбээр өнгөрсөн жилийн маргаантай холбогдуулан  "Би хар арьст учраас энд байна" хэмээн хэлсэн нь олны анхаарлыг татав. Учир нь тус холбоо Жорж Флойд нас барах хүртэл хар арьст нэг ч гишүүнгүй байсан гэжээ. Твиттер хэрэглэгчид Кармайкелийн хэлсэн үгийг ихэд онцлон тэмдэглэж, түүний нэр, хэлсэн үгс твиттерт хэсэгтээ трэнд болжээ.

СОНИРХОЛТОЙ НЭР ДЭВШИГЧИД

Дуучин Селена Гомез, Брендан Фрейзер нар нэр дэвшжээ. Дуучин, жүжигчин Селена Гомез телевизийн олон ангит “Only Murders in the Building” киноны гол дүрээрээ анх удаа Алтан бөмбөрцөг наадамд Шилдэг эмэгтэй жүжигчинд нэр дэвшиж өрсөлдсөн. Фэнүүд нь түүнийг шилдэг болохыг битүүхэн хүсэж байсан ч “Эбботт бага сургууль” киноны дүрээр Квинта Брунсон энэхүү номинцийн шилдэг нь болсон.

Харин кино ертөнцөөс нэг хэсэгтээ завсарлаж саяхан "Халим" киноны дүрээрээ эргэн ирсэн Брендан Фрейзер Шилдэг эрэгтэй жүжигчин номинацид нэр дэвшсэн юм. Жүжигчин өөрийгөө нэр дэвшсэнийг мэдсэн ч шагнал гардуулах үйл ажиллагаанд оролцохгүй гэдгээ мэдэгдсэн.  Учир нь тус наадмын зохион байгуулагч байгууллагын ерөнхийлөгч асан Филипп Берк 2003 онд өөрт нь бэлгийн дарамт үзүүлсэн гэсэн мэдэгдэлтэй холбоотой юм.

АЗИ ЖҮЖИГЧИД ШИЛДГЭЭР ШАЛГАРЛАА

40 жил кино ертөнцөд тасралтгүй зүтгэсэн ази жүжигчин Мишель Йео Шилдэг эмэгтэй жүжигчин шагналыг хүртсэн нь олны анхаарлыг татлаа. Мөн түүнтэй хамтран тоглосон жүжигчин Ке Хай Цюань Шилдэг туслах эрэгтэй жүжигчнээр тодорсон юм.

2023 оны Алтанбөмбөрцөг наадмын шилдгүүд
/шилдгүүдийг тодруулав/

ШИЛДЭГ КИНО /ДРАМ/

Уламжлал ёсоор энэ үдшийн олны анхаарлыг хамгийн их татдаг номинац болох "Шилдэг кино" номинацид Стивен Спилбергийн амьдралаас сэдэвлэн, хагас намтарчилсан бүтээл болох "Фабелманс" кино түрүүлсэн юм.  Уг кинонд Спилбергийн бичсэн зохиолоос сэдэвлэсэн еврей гэр бүл, түүний кино урлагт дурлах болсон эхлэлийг харуулжээ. Энэхүү кино шилдгээр шалгарахаас гадна  Спилберг өөрөө "Шилдэг найруулагч" шагналыг хүртсэн юм.

• Аватар: Усан зам /Avatar: The Way of Water/
• Элвис /Elvis/
• Тар /Tár/
• The Fabelmans  /Фабельманчууд/
• Top Gun: Maverick /Шилдэг буу: Маверик/

ШИЛДЭГ МЮЗИКЛ БОЛОН ИНЭЭДМИЙН КИНО

• Вавилон /Babylon/
• Инишериний банши нар /The Banshees of Inisherin/
• Бүх зүйл нэг дор /Everything Everywhere All at Once/
• Шилэн сонгино: Нууцлаг хутга /Glass Onion: A Knives Out Mystery/
• Гунигийн гурвалжин /Triangle of Sadness/

ТВ-ИЙН ШИЛДЭГ ОЛОН АНГИТ КИНО /ДРАМ/

• Саул руу залгасан нь дээр /Better Call Saul/
• Титэм /The Crown/
• Лууны өргөө  /House of the Dragon/
• Озарк /Ozark/
• Severance /Чөлөөлөлт/

ТВ-ИЙН ШИЛДЭГ ОЛОН АНГИТ КИНО /МЮЗИКЛ БОЛОН ИНЭЭДМИЙН/

• Эбботт бага сургууль /Abbott Elementary/
• Баавгай /The Bear/
• Хакерууд /Hacks/
• Зөвхөн барилга доторх аллага /Only Murders in the Building/
• Уиднесдэй /Wednesday/

ШИЛДЭГ ГОЛ ДҮРИЙН ЭРЭГТЭЙ ЖҮЖИГЧИН

• Остин Батлер – Элвис /Elvis/
• Брендан Фрейзер – Халим /The Whale/
• Хью Жэкман – Хүү /The Son/
• Билл Найти - Амьдрал /Living/
• Жереми Поп – Шалгалт /The Inspection/

ШИЛДЭГ ГОЛ ДҮРИЙН ЭМЭГТЭЙ ЖҮЖИГЧИН

• Кейт Бланшетт – Тар /Таr/
• Оливия Колман – Гэрлийн эзэнт гүрэн /Empire of Light/
• Виола Дэвис – Эмэгтэй хаан  /The Woman King/
• Ана де Армас – Шаргал  үст /Blonde/
• Мишель Уильямс – Фабельманчууд  /The Fabelmans/

ШИЛДЭГ ГОЛ ДҮРИЙН ЭМЭГТЭЙ ЖҮЖИГЧИН /МЮЗИКЛ БОЛОН ИНЭЭДМИЙН КИНО/

• Маргот Робби - Вавилон /Babylon/
• Аня Тейлор-Жой - Цэс /The Menu/
• Эмма Томпсон - Амжилт хүсье, Лео Гранде /Good Luck to You, Leo Grande/
• Лесли Манвилл - Хатагтай Харрис Парис руу явсан нь /Mrs. Harris Goes to Paris/
• Мишель Ёо - Бүх зүйл нэг дор /Everything Everywhere All at Once/

ТВ-ИЙН ОЛОН АНГИТ КИНОНЫ ШИЛДЭГ ЭМЭГТЭЙ ЖҮЖИГЧИН

• Эмма Д’Арси - Лууны өргөө  /House of the Dragon/
• Лаура Линни – Озарк /Ozark/
• Имелда Стоунтон, Титэм /The Crown/
• Хилари Сванк - Аляскийн нэг өдөр /Alaska Daily/
• Зендаяа – Эйфори /Euphoria/

ШИЛДЭГ ТУСЛАХ ЭРЭГТЭЙ ЖҮЖИГЧИН

• Брендан Глисон - Инишериний Банши нар /The Banshees of Inisherin/
• Ке Хюй Куан - Бүх зүйл нэг дор  /Everything Everywhere All at Once/
• Барри Кеогхан - Инишерин Банши нар /The Banshees of Inisherin/
• Брэд Питт - Вавилон /Babylon/
• Эдди Редмэйн - Сайн сувилагч /The Good Nurse/

ШИЛДЭГ ТУСЛАХ ЭМЭГТЭЙ ЖҮЖИГЧИН

• Анжела Бассетт, Хар ирвэс:  Ваканда үүрд мөнх /Black Panther: Wakanda Forever/
• Керри Кондон - Инишерин банши нар  /The Banshees of Inisherin/
• Жэйми Ли Кертис - Бүх зүйл нэг дор /Everything Everywhere All at Once/
• Долли Де Леон - Гунигийн гурвалжин /Triangle of Sadness/
• Кэри Маллиган - Тэр хэлсэн /She Said/

ШИЛДЭГ НАЙРУУЛАГЧ

• Жеймс Камерон - Аватар: Усан зам /Avatar: The Way of Water/
• Даниел Кван - Даниел Шейнерт, Бүх зүйл нэг дор /Everything Everywhere All at Once/
• Баз Лурман - Элвис /Elvis/
• Мартин МакДона - Инишериний банши нар /The Banshees of Inisherin/
• Стивен Спилберг - Фабелманчууд /Fabelmans/

ШИЛДЭГ ХҮҮХЭЛДЭЙН КИНО

• Гильермо дель Торогийн Пиноккио /Guillermo del Toro’s Pinocchio/
• Ину-Ө /Inu-Oh/
• Гутал өмссөн Марсель /Marcel the Shell With Shoes On/
• Гуталт муурын сүүлчийн хүсэл /Puss in Boots: The Last Wish/
• Улаан болсон нь /Turning Red/

ШИЛДЭГ ГАДААД КИНО

• RRR (Энэтхэг)
• Баруун фронтын нам гүм (Герман) /All Quiet on the Western Front
• Аргентин, 1985 Argentina
• Дотно (Бельги) /Close/
• Орхих шийдвэр (Өмнөд Солонгос) /Decision to Leave/

ШИЛДЭГ КИНОНЫ ДУУ    

“Наату Наату” дуу (RRR киноны дуу)