УИХ-ын 2024 оны ээлжит сонгуулийн санал хураалт маргааш болно. Үүнтэй холбогдуулан Сонгуулийн ерөнхий хорооноос цаг үеийн асуудлаар мэдээлэл хийж байна.

СЕХ-ны дарга П.Дэлгэрнаран "Санал хураалт эхлэх бэлтгэл хангадсан. 40 мянга орчим төрийн албан хаагч сонгуулийн санал авах ажлыг зохион байгуулан ажиллана.

Сонгуулийн автоматжуулсан машиныг саналын дүн гаргахад ашиглана. Үүнийг УИХ-аар шийдвэрлэсэн юм. Сүлжээ байхгүй газруудад "Starlink" төхөөрөмжүүдийг нэмж ашиглахаараа энэ жилийн сонгууль онцлогтой.

Өмнө санал тоолох ACP-1 төхөөрөмжийг ашиглаж байсан бол энэ жил ACP-2-г ашиглана. Нэг төрлийн төхөөрөмж учраас бараг ялгаагүй.

Starlink төхөөрөмжийг 400 гаруй газарт ашиглахаар тохиргоог нь хийж бэлэн болгосон. Хил дагуух газруудад "Starlink" төхөөрөмжийн сүлжээ, долгион унадаг учраас ашиглахгүй. Хуучнаараа буюу уламжлалт аргаар зөөж дамжуулна:

Нийт 40 гаруй орноос сонгуулийн үйл ажиллагаанд хяналт тавихаар гадаадын ажиглагчид ирсэн. Эдгээр байгууллагын мэдээлэл бие даасан байдлаар явуулна.

Мөн дотоодын ажиглагчид болон хэвлэл мэдээллийн ажилтнууд нийт 30 мянга гаруй ажиглалт хийхээр байна.

Маргааш санал өгөх өдөр учраас Үндсэн хуулиар олгогдсон эрхээ эдэлж, төрийн эрх барих дээд байгууллагаа байгуулахад идэвхтэй оролцоорой" гэв.

ШУУД: