Чуулганы нэгдсэн хуралдаанаар “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төслийг хэлэлцэж байна.

Энэ үеэр Ерөнхий сайд Л.Оюун-Эрдэнэ хотод тулгамдаж буй асуудалд улс төрийн дүгнэлт хэлэв.

Тэрээр"Нэгдүгээрт, эрчим хүчнийхээ үнийг нэмэхээс айгаад хотод нэг ч цахилгаан станц барьж чадаагүй. Байгаа хэдэн цахилгаан станцуудаа дагаж төлөвлөлтгүй газар олголт явагдаж “алаан” болсон. Энэ асуудал руу улсаараа орсон. Цэцэрлэгийн арын талбай гэх мэт газарт арын хаалгаар дэд бүтэцтэй газарт газар олголт хийгдсэн.  

Гуравдугаарт, Хотод эрх мэдэл байгаагүй ээ. Яамд нь хэсэгчилж ажлыг авчихдаг. Номерыг нь Зам тээврийн яам, дэд бүтцийг нь Эрчим хүчний яам, газар олголтыг нь Хот байгуулалт нь салгаж аваад, Байгаль орчны яам нь Богд уулыг зарчихсан асуудал байсан. Ийм учраас нийслэл удирдлагаа алдаад эхэлчихсэн. Үе үеийн хотын дарга нар нь одоо “дүүрсэн” хэрэг гээд зөвшөөрөл өгдөг болчихсон. Тийм учраас дүгнэлт хийх ёстой. "Улаанбаатар хотын ерөнхий төлөвлөгөө-2040"-ийг дүгнэж 3D-ээр босгож, хаана, юу барих аа төлөвлөх ёстой. Улсын төсөв алдагдалгүй болсноор нэг ч том төсөл хэрэгжихээргүй болсон.

Тендерийн тухай хуулийг өөрчлөхгүй бол том төсөл хэрэгжихгүй. Тендерийн тухай хуулийг шүүх шийддэг болсон. Гадаад мэргэжилтнээс айдгаа болих ёстой. Хүнээр юм хийлгэхгүй, хийдэг хүний ажиллуулахгүй, мөнгө байхгүй, хөрөнгө оруулалт хийхгүй байна. Тэгээд төсөл хэрэгжих болохоор ордон тойроод 20 хүн жагсаж байдаг. Ийм хүмүүсээс айгаад байвал хот яаж хөгжих юм" гэлээ.