#DOTA2 Өнөөдөр эхлэх нэг сая ам.долларын шагналын сантай Elite League-т Равдангийн "NARMAN" Нармандахын "MOUZ" баг оролцоно.

Нэг сая ам.долларын шагналын сантай Elite League-ын хоёр дахь улирал буюу "Elite League Season 2" өнөөдөр Перу улсын нийслэл Лима хотод эхэлнэ. Дэлхийн шилдэг 16 баг оролцох тэмцээнд Равдангийн "NARMAN" Нармандахын "MOUZ" баг оролцож байна.

Тэмцээний эхний шат Швейцар системээр болох бөгөөд BO3 журмаар болох таван тоглолтын дараагаар хамгийн өндөр оноотой найман баг дараагийн шатанд шалгарна. Харин үлдсэн найман баг гэртээ харина.

• Монголын гурван багийн хоёр нь дэлхийн цомын тэмцээний финалд шалгарлаа
• The MongolZ хоёр хожилтой хэсгээ тэргүүлж байна
• Дэлхийн аваргын урьдчилсан шатанд 11 монгол тоглоно

Хоёр дахь шат тойргийн системээр болох ба онооны эрэмбээр эхний дөрвөн баг Playoff-ын дээд хүснэгтээс үлдсэн дөрвөн баг доод хүснэгтээс тоглоно. Тэмцээнд Ази тивийг төлөөлөн Филиппиний "Execration", Хятадын "Evil Rabbit" багууд оролцоно.

"Elite League Season 1" тэмцээн гуравдугаар сард болоход Хятадын "Xtreme Gaming" баг түрүүлж "Team Falcons" баг дэд байрыг эзэлсэн.

MOUZ-ын эхний тоглолт өнөө шөнө 02:00 цагаас nouns-ын эсрэг байх ба үргэлжлүүлээд 05:00 цагаас хоёр дахь тоглолтоо хийнэ.