#PUBGMobile Дэлхийн цомын тэмцээний финалд дэлхийн аварга "IHC Esports", "4Merical Vibes" багууд шалгарч, дэлхийн аваргын дэд байр "Falcons Force" нутаг буцлаа.

Электрон спортын их наадам буюу 60 сая ам.доллар эргэлдсэн "Esports World Cup 2024" тэмцээн Саудын Арабын Эр-Рияд хотод үргэлжилж байна.

Их наадмын PUBG Mobile-ын төрөл "PUBG Mobile World Cup 2024" буюу Дэлхийн цом нэрийн дор болж байгаа бөгөөд Монголын гурван оролцсон. Гэвч тэднээс хоёр нь тэмцээний финалд шалгарч нэг нутаг буцахаар болсон байна.

Тодруулбал, нийт 24 баг оролцсон тэмцээний хэсгийн шатны тоглолтууд өнгөрсөн долоо хоногт болоход Монголын IHC Esports", "4Merical Vibes" багууд финалд оролцох эрхээ 3 болон 6-р байрт шалгарч авсан.

• The MongolZ "IEM Rio" тэмцээнд урилгаар оролцох боллоо
• ДОЛООДУГААР САРЫН СПОРТ: Э-Спортын их наадам болно
• Монголын "4Merical Vibes" баг PUBG Mobile-ын Төв, Өмнөд Азийн аварга боллоо

Харин "Falcons Force" 16-р байрыг эзэлснээр "Survival Stage" шатанд тоглохоор болсон юм. Финалд нийт 16 баг тоглох ёстойгоос 12 нь хэсгийн шатнаас эрхээ авсан бол үлдсэн дөрвөн баг нь тус Survival Stage-ээс шалгарах учиртай. Гэвч хоёр өдөр үргэлжилсэн тоглолтуудын эцэст Falcons Force 77 оноотой 5-р байр эзэлж тэмцээнээс хасагдлаа. Тэд финалд шалгарахад ердөө дөрвөн оноо дутсан юм.

Ийнхүү "Falcons Force" нийт тэмцээний 17-р байраар тэмцээнээ дуусгаж 49,500 ам.долларын (167 сая төгрөг) шагнал авав.

Финалын тоглолтууд маргаашаас эхэлж гурван өдрийн турш нийт 18 map тоглох бөгөөд нэгдүгээр байрт шалгарвал үр дүнгээс хамаарч доод тал нь 400 мянган ам.доллар авна.