#CS2 The MongolZ Лукас "gla1ve" Россандер тэргүүтэй ENCE багийг хожсоноор 2 хожил 1 хожигдолтой "Skyesports Championship 2024" тэмцээний А хэсгийг тэргүүлж эхэллээ.

300 мянган ам.долларын шагналын сантай CS2-ын "Skyesports Championship 2024" тэмцээн Энэтхэгийн Мумбай хотод үргэлжилж байна.

Энэхүү тэмцээнд урилгаар оролцож буй Монголын "The MongolZ" баг хоёр өдрийн дараагаар хоёр хожилтой хэсгээ тэргүүлж эхэллээ.

Эхний өдөр Энэтхэгийн багийг хожоод байсан тэд өчигдөр Оросын PARIVISION-д хожигдсон ч Финландын ENCE-ыг хожсоноор нийт 6 оноотой болсон. Тэдний араас дөрвөн баг ижил 3 оноотой бичигдэж байна.

• The MongolZ "IEM Rio" тэмцээнд урилгаар оролцох боллоо
• $300,000 шагналын сантай "Skyesports Championship 2024" тэмцээн өнөөдөр эхэлнэ
• The Mongolz Бразилын FURIA-д хожигдож 9-р байр эзэллээ

Таван өдрийн турш болох тэмцээнд Ази, Европын 12 баг оролцож байгаа дунд Оросын "BetBoom Team", "Aurora Gaming", Туркийн "Eternal Fire", Финландын "ENCE" зэрэг хүчирхэг багууд багтаж байна. The MongolZ тэмцээний "А" хэсэгт Aurora Gaming, Сингапурт төвтэй "BLEED Esports", ENCE, Оросын "PARIVISION", Энэтхэгийн "True Rippers Esports" багуудтай тоглож байна.

Хэсгийн тоглолтууд BO1 журмаар болох бөгөөд хэсгээ тэргүүлсэн гурван баг Playoff-т шалгарна. Хэсгийн тэргүүн баг шууд хагас шигшээ шатанд тоглох эрхтэй болох бол удаах хоёр баг бусад хэсгийн багуудтай хагас шигшээгийн эрхийн төлөө тоглоно.

The MongolZ-ын үр дүн, хуваарь:

• 07.23. The MongolZ 1-0 (Ancient 13-11) True Rippers Esports
• 07.24. The MongolZ 0-1 (Mirage 11-13) PARIVISION
• 07.24. The MongolZ 1-0 (Mirage 13-5) ENCE
• 07.25. 17:30 цаг. BLEED Esports
• 07.26. 19:30 цаг. Aurora Gaming