• Aфрик тивийн аварга шалгаруулах тэмцээн үргэлжилж байна
• E, F хэсгийн сүүлийн тойргийн тоглолтууд боллоо
• Тунис нутаг буцаж Намиби цааш шалгарав

Африкийн хөл бөмбөгийн холбооноос зохиодог тивийн аварга шалгаруулах тэмцээн "Africa Cup of Nations" буюу "AFCON 2023"-ын хэсгийн шатны сүүлийн тойргийн тоглолтууд үргэлжилж байна.

Өнгөрсөн шөнө "E" хэсгийн сүүлийн хоёр тоглолтод гоол оролгүй тэнцсэнээр Тунисийн шигшээ баг тэмцээнээс хасагдаж Намиби цааш шалгарав. Тунис Өмнөд Африктай 0-0 харьцаагаар тэнцэж 2 оноотой тэмцээнээ дуусгаж байгаа бол Өмнөд Африк 4 оноотой болж хэсгийн 2-р байрыг эзлэв. Харин Мали 5 оноотой хэсгээ тэргүүлж Намиби 4 оноотой 3-р байраар хасагдах шатанд шалгарчээ.

• AFCON: Алжирын шигшээ баг Африкийн цомоос хасагдлаа
• AFCON: Нигери биш Экваторын Гвиней, Египет биш Кабо-Верде хэсгээ тэргүүллээ
• Азийн АШТ: Тажикистан нэмэлт цагт Ливаныг хожиж хэсгээс гарлаа

Харин "F" хэсгийг тэргүүлэгч Марокко Замби улсын шигшээ багийг 1-0 харьцаагаар хожиж тэмцээнээс хассан бөгөөд 7 оноотойгоор хэсгээ тэргүүлэв. Харин Танзани Ардчилсан Конго улсууд 0-0 харьцаагаар тэнцсэнээр Конго хэсгийн 2-р байраар цааш шалгарч 2 оноотой Танзани тэмцээнээ өндөрлүүлэв.

Африкийн цомын хасагдах шатны буюу шигшээ 16 шатны тоглолтууд энэ сарын 27-оос эхэлнэ. Одоогоор Экваторын Гвиней улсын шигшээ багийн довтлогч Эмилио Нсүэ 5 гоолтой мэргэн буучдын жагсаалтыг тэргүүлж байгаа бол Египетийн шигшээ багийн Мостафа Мохамед, Алжирын шигшээ багийн Багдад Бунеджа нар 3 гоолтой удаалж байна.