• Aфрик тивийн аварга шалгаруулах тэмцээн үргэлжилж байна
• Хэсгийн сүүлийн тойргийн тоглолтууд эхлэв
• А болон В хэсгийн тэргүүн багууд тодорлоо

Африкийн хөл бөмбөгийн холбооноос зохиодог тивийн аварга шалгаруулах тэмцээн "Africa Cup of Nations" буюу "AFCON 2023"-ын хэсгийн шатны сүүлийн тойргийн тоглолтууд эхэллээ.

Зохион байгуулагч Кот д'Ивуар улсын багтсан "А" хэсгийн тэргүүн баг Нигери сүүлийн тоглолтод Гвиней-Бисау улсын багийг 1-0 харьцаагаар хожиж тэмцээнээс хассан. Харин талбайн эзэд Экваторын Гвинейд 4-0 харьцаагаар хожигдсоноор хэсэгтээ гуравдугаар байр эзэлж бусад хэсгийн багуудыг харахаар боллоо. Ингээд гоолын зөрүүгээр Нигери, Кот д'Ивуар биш Экваторын Гвиней "А" хэсгийг тэргүүлж шуугиан тарив.

• Азийн АШТ: Тажикистан нэмэлт цагт Ливаныг хожиж хэсгээс гарлаа
• FIFA-аас Монголын хөл бөмбөгийн холбоонд 8 сая ам.долларын санхүүжилт олгоно
• Месси яагаад FIFA-ын оны шилдэг хөл бөмбөгчин болов?

Харин "В" хэсэгт Египетийн шигшээ баг Мозамбиктай 2-2 харьцаагаар тэнцэж, хэсэгтээ гурав дахь удаа хайнцсанаар хэсгийн хоёрдугаар байраар шалгарахаар болсон. Харин хүчирхэг Гана улсын шигшээ баг Кабо-Верде улсын багт 2-1 харьцаагаар хожигдсоноор 2 оноотой хэсгийн гуравдугаар байрт жагсав. Тус хэсгээс ийнхүү Гана, Египет биш Кабо-Верде нэгээр шалгарсан нь олныг гайхуулав.

Энэ жилийн AFCON олон хүний таамгаас өөр болж байгаа нь тэмцээнийг улам сонирхолтой болгож байна. Өнөө шөнө "С" хэсэгт Камерун, Гамби улсууд тэмцээнд үлдэх эсэхээ шийдэх бол Сенегал, Гвинейн шигшээ багууд хэн нь хэсэг тэргүүлэхээ үзнэ.

Харин "D" хэсэгт юу ч тодорхой болоогүй. 4 оноотой Ангол болон Буркина Фасогийн шигшээ багууд хоорондоо таарсан бол 2 оноотой Алжир оноо авч амжаагүй Мавританийг хожвол хэсэгтээ дээгүүр байр эзлэх боломж бий.