• Хөл бөмбөгийн Азийн аварга шалгаруулах тэмцээн үргэлжилж байна
• Хэсгийн шатны сүүлийн тоглолтууд эхэллээ
• А хэсгээс Катар, Тажикистан шалгарлаа

Азийн хөл бөмбөгийн холбооноос зохиодог Азийн аварга шалгаруулах тэмцээний хэсгийн шатны сүүлийн тойргийн тоглолтууд өнгөрсөн шөнө эхэллээ.

Өнгөрсөн шөнө зохион байгуулагч Катарын шигшээ багийн тэргүүлж буй "А" хэсгийн тоглолтууд болсон ба Катар, Тажикистаны шигшээ багууд хэсгээсээ гарлаа.

• FIFA-аас Монголын хөл бөмбөгийн холбоонд 8 сая ам.долларын санхүүжилт олгоно
• Месси яагаад FIFA-ын оны шилдэг хөл бөмбөгчин болов?
• Хөл бөмбөгийн Азийн аварга шалгаруулах тэмцээнд оролцож буй багуудын бүрэлдэхүүн

Катарын шигшээ баг сүүлийн тоглолтод Хятадыг 1-0 харьцаагаар хожсоноор хэсгээ 9 оноотой, нэг ч хожигдолгүй, хаалгандаа нэг ч гоол алдалгүй тэргүүлэв.

Харин сүүлийн тоглолтоос бүх зүйл шалтгаалах байсан Тажикистанчууд Ливаныг нэмэлт цагт (90+2 дахь минут) 2-1 харьцаагаар хожсоноор 4 оноотой болж хэсгийн хоёрдугаар байраар хагас шигшээд шалгарлаа.

2 оноотой 3-р байрт жагссан Хятадын шигшээ баг бусад хэсгийн багуудын онооноос шалтгаалан хасагдах шатанд тоглох нь шийдэгдэнэ.

Өнөөдөр шөнө "B" хэсгийг 6 оноотой тэргүүлж буй Австрали 4 оноотой удаалж буй Узбекистаны шигшээ багтай тоглох бол Энэтхэг, Сирийн шигшээ багууд хэсгийн 2 болон 3-р байрын төлөө өрсөлдөнө.

Харин "С" хэсэгт хасагдах шатанд тоглох нь тодорхой болсон Иран АНЭУ-тай хүчээ үзэх бол Палестин, Хонконгийн шигшээ багууд тэмцээнд үлдэх эсэхээ шийднэ.