• Aфрик тивийн аварга шалгаруулах тэмцээн үргэлжилж байна
• C, D хэсгийн сүүлийн тойргийн тоглолтууд боллоо
• Алжир, Гамби улсын шигшээ багууд нутаг буцахаар болов

Африкийн хөл бөмбөгийн холбооноос зохиодог тивийн аварга шалгаруулах тэмцээн "Africa Cup of Nations" буюу "AFCON 2023"-ын хэсгийн шатны сүүлийн тойргийн тоглолтууд үргэлжилж байна.

Өнгөрсөн шөнө "C" хэсгийг тэргүүлэгч Сенегалын шигшээ баг Гвинейг 0-2 харьцаагаар хожиж хэсгээ итгэл төгс тэргүүлэн дуусгасан бол Камерун Гамбиг 2-3 харьцаагаар хожиж дэд байраар хасагдах шатанд шалгарав. 4 оноотой Гвиней гоолын зөрүүгээр 3-р байр эзэлсэн.

• AFCON: Нигери биш Экваторын Гвиней, Египет биш Кабо-Верде хэсгээ тэргүүллээ
• Азийн АШТ: Тажикистан нэмэлт цагт Ливаныг хожиж хэсгээс гарлаа
• FIFA-аас Монголын хөл бөмбөгийн холбоонд 8 сая ам.долларын санхүүжилт олгоно

D хэсэгт Анголын шигшээ баг Буркина Фасог 2-0 харьцаагаар хожиж 7 оноотой хэсгээ тэргүүлэв. Харин хоёр тэнцээд байсан Алжирын шигшээ баг Мавританид 1-0 харьцаагаар хожигдсоноор тэмцээнээс хасагдлаа. Мавританийн шигшээ баг 3 оноотой хэсгийн гуравдугаар байраар хасагдах шатанд шалгарав.

Өнөө шөнө E болон F хэсгийн сүүлийн тоглолтууд болно. E хэсэгт Өмнөд Африк Тунисийг тэмцээнээс хасах хэсгээ шийдэх бол Мали Намибитай хүчээ үзнэ. Харин F хэсэгт Танзаничууд эцсийн найдвараа тээн Ардчилсан Конготой тоглох бол Замби хүчирхэг Мароккогийн эсрэг тулна.

Одоогоор Экваторын Гвиней улсын шигшээ багийн довтлогч Эмилио Нсүэ 5 гоолтой тэргүүлж байгаа бол Египетийн шигшээ багийн Мостафа Мохамед, Алжирын шигшээ багийн Багдад Бунеджа нар 3 гоолтой удаалж байна.