#DOTA2 Равдангийн "NARMAN" Нармандахын тоглодог "MOUZ" баг "OG", "Nigma Galaxy" багуудыг хожсоноор 1 сая ам.долларын шагналын сантай "BetBoom Dacha Belgrade 2024" тэмцээнд оролцох эрхээ авлаа.

Арменийн FISSURE компаниас зохиож буй 1 сая ам.долларын шагналын сантай "BetBoom Dacha Belgrade 2024" тэмцээн аравдугаар сарын 19-26-д Сербийн нийслэл Белград хотод болно.

Тус тэмцээний эрхийн төлөөх Баруун Европын урьдчилсан шатны тоглолтууд өчигдөр дуусаж Равдангийн "NARMAN" Нармандахын тоглодог "MOUZ" баг эрхээ авлаа.

Тэд хагас шигшээд Акбар "SoNNeikO" Бутаев, Даниэл "Stormstormer" Шоецау тэргүүтэй "AVULUS" багийг 2-0, доод хүснэгтийн финалд дэлхийн хошой аварга Себастиен "Ceb" Дебс ахлагчтай "OG" багийг 2-1, гранд финалд дэлхийн аварга Амер "Miracle-" Аль-Баркави, Сумаил "SumaiL" Хассан тэргүүтэй "Nigma Galaxy" багийг 3-1 харьцаагаар тус тус хожсоноор Белград явахаар болсон юм.

• О.Сүхбатын NaVi баг Puppey, BOOM нарыг багтаа түр нэгтгэлээ
• Монголын Team Tough баг "RES Regional Series" тэмцээнд хоёр дахь удаа түрүүллээ
• О.Сүхбатын NaVi баг "Clavision: Snow Ruyi" тэмцээнд 4-р байр эзэллээ

Дэлхийн шилдэг 12 баг оролцох тэмцээний долоон нь урилгаар, таван нь урьдчилсан шатнаас эрхээ авна. Одоогоор "Team Falcons", "Gaimin Gladiators", "Team Spirit", "BetBoom Team", энэ оны дэлхийн аварга "Team Liquid", "Aurora" багууд уригдаад байна. Харин Зүүн Өмнөд Азийн урьдчилсан шатнаас "Talon Esports", Баруун Европоос "MOUZ" баг эрхээ авав.

12 баг хоёр хэсэгт хуваагдан тойргийн журмаар тоглох бөгөөд хэсэг бүрээс эхний дөрвөн баг playoffs-т шалгарна.