#DOTA2 "Natus Vincere" багт тоглодог Отгондаваагийн "sanctity-" Сүхбат бүх цаг үеийн домогт ахлагч Puppey-тай хамт тоглохоор боллоо.

"Natus Vincere" баг DOTA2 (Defence of the Ancient 2)-ын "DreamLeague Season 24" тэмцээний Европын урьдчилсан шатанд тоглох бүрэлдэхүүнээ зарлалаа.

Монголын одоо цагийн хамгийн шилдэг "Midlaner" буюу "Position 2" байрлалын тоглогч Отгондаваагийн "sanctity-" Сүхбатын тоглодог тус баг Мирослав "BOOM" Бикан, Клемент "Puppey" Иванов нарыг түр хугацаанд тоглуулахаар болсон байна.

Электрон спортын ертөнц дэх хамгийн том байгууллагуудын нэг Natus Vincere-ын DOTA2 тоглоомын баг сүүлийн үед хангалттай амжилтыг үзүүлж чадахгүй байна.

• Монголын Team Tough баг "RES Regional Series" тэмцээнд хоёр дахь удаа түрүүллээ
• О.Сүхбатын NaVi баг "Clavision: Snow Ruyi" тэмцээнд 4-р байр эзэллээ
• "Natus Vincere" хэсгийн дэд байраар Playoffs-т шалгарлаа

Энэ оны гуравдугаар сард Монголын "IHC Esports" багаас О.Сүхбатыг, "OG" багаас Артём "Yuragi" Голубиевийг авч шинэ бүрэлдэхүүнээ зарласан тэд энэ удаа "Pos3" байрлалд тоглодог Дмитри "nefrit" Тарашич, "Pos5" байрлалд тоглодог Арман "Malady" Оразбаев нарыг түр сэлгээнд суулгахаар болжээ.

Natus Vincere багийн бүрэлдэхүүн:

• Position 1: Артём "Yuragi" Голубиев /Украин/
• Position 2: Отгондаваагийн "sanctity-" Сүхбат /Монгол/
• Position 3: Мирослав "BOOM" Бикан /Чех/
• Position 4: Бакыт "Zayac" Эмиляанов /Киргиз/ Багийн ахлагч
• Position 5: Клемент "Puppey" Иванов /Эстони/

2011-2014 оны хооронд Украины багт тоглож байсан Puppey нь DOTA2 э-спортын түүхэд бичигдэх хамгийн шилдэг ахлагчдын нэг юм. Тэрээр нийт 11 жил дараалан дэлхийн аварга шалгаруулах тэмцээн буюу TI-д багаа удирдан оролцож байсан бөгөөд дөрвөн удаа финалдаж байсан цорын ганц тоглогч юм. 2011 оны дэлхийн аварга Шанхай, Чончин, Парис мажоруудын аварга, DreamLeague-ын хоёр удаагийн аварга гээд түүний цол гуншин дуусахгүй.

Харин "Team Secret" багт Puppey-ын хамтрагч байсан BOOM "Gaimin Gladiators", "Vikin.gg" багуудад тоглож байсан туршлагатай.