#DOTA2 50 мянган ам.долларын шагналын сантай "RES Regional Series: SEA #4" тэмцээн онлайнаар болж Монголын Team Tough баг хоёр дахь удаа түрүүллээ. Тэд шагналын 25 мянган ам.доллар авсан бөгөөд Белград хотод болох тэмцээнд оролцох эрхтэй болов.

Dota2-ын 50 мянган ам.долларын шагналын сантай "RES Regional Series" цувралын Зүүн Өмнөд Азийн бүсийн лигийн дөрөвдүгээр улиралд Монголын хоёр баг оролцсон.

Азийн 12 баг оролцсон тэмцээний "А" хэсэгт "Team Tough", "В" хэсэгт  "IHC Esports" багууд тоглосон бөгөөд хоёул хэсгийн нэг, хоёрдугаар байраар Playoffs-т шалгарсан юм.

Чансаагаараа "Tier 3" зэрэглэлд тооцогдож буй уг тэмцээнд Дашзэвэгийн "Se" Төгстөр тэргүүтэй "Team Tough" баг түрүүлж 25 мянган ам.долларын шагнал авав. Тэд финалд Дауд "db-" Будиаван, Ризки "Varizh" Вариж тэргүүтэй Индонезын "Outcast" багийг 2-0 харьцаагаар хожсон юм.

• О.Сүхбатын NaVi баг "Clavision: Snow Ruyi" тэмцээнд 4-р байр эзэллээ
• "Natus Vincere" хэсгийн дэд байраар Playoffs-т шалгарлаа
• Өнөөдөр эхлэх "RES Regional Series"-т Монголын хоёр баг оролцоно

Харин "IHC Esports" баг Playoffs-ын эхний шатанд Outcast багт 2-1 харьцаагаар хожигдож 5-р байр эзэлсэн байна.

Монгол багуудын тоглолтын үр дүн:

• Team Tough 2-0 Ascent Esports
• Team Tough 2-0 Yangon Galacticos
• Team Tough 1-1 Outcast
• Team Tough 2-0 Salvation Gaming
• Team Tough 2-0 MAG.Garuda
• IHC Esports 2-0 The Immortal
• IHC Esports 1-1 Team TK
• IHC Esports 2-0 Carstensz Esports
• IHC Esports 0-2 Manta Esports
• IHC Esports 1-1 Blind Owl Esports
• IHC Esports 1-2 Outcast
• Team Tough 2-1 Team TK
• Team Tough 2-0 Outcast

Энэ оны зургаадугаар сард болсон Зүүн Өмнөд Азийн бүсийн гурав дахь тэмцээн буюу "RES Regional Series: SEA #3"-т Team Tough баг дэд байрыг эзэлж 15 мянган ам.долларын шагнал авсан. Тэд мөн дөрөвдүгээр сард болсон хоёр дахь тэмцээнд нь түрүүлж 25 мянган ам.доллар авсан билээ. Харин IHC Esports баг анхны улиралд нь дэд байрыг эзэлж байв.

RES Regional Series нь Европ, Зүүн Өмнөд Ази, Латин Америк гэсэн гурван бүсэд болдог бөгөөд лигт өндөр байр эзэлж оноо цуглуулдаг. Дөрөв дэх улирал дууссаны дараа бүс бүрээс хамгийн өндөр оноотой хоёр баг Сербийн нийслэл Белград хотод болох тэмцээнд урилгаар оролцоно. Энэхүү хоёр эрхийг Зүүн Өмнөд Азийн бүсээс Team Tough болон Филиппиний "Execration" багууд авлаа. Белград хотод болох LAN тэмцээний тов одоогоор гараагүй байна.