#DOTA2 Өнөөдөр эхлэх "RES Regional Series: SEA #4" тэмцээнд Монголын "IHC Esports" болон "Team Tough" багууд оролцоно.

"RES Regional Series" цувралын Зүүн Өмнөд Азийн бүсийн лигийн дөрөвдүгээр улирал өнөөдөр эхэлнэ. 50 мянган ам.долларын шагналын сантай тэмцээнд Монголын хоёр баг оролцоно.

Тодруулбал, "IHC Esports" болон "Team Tough" багууд тэмцээний "А" болон "В" хэсэгт хуваарилагджээ. Тус тэмцээнд Индонез, Малайз, Филиппиний багууд тоглоно.

• Өнөөдөр эхлэх "Elite League"-т Равдангийн "NARMAN" Нармандах оролцоно
• Монголын гурван багийн хоёр нь дэлхийн цомын тэмцээний финалд шалгарлаа
• The MongolZ хоёр хожилтой хэсгээ тэргүүлж байна

Чансаагаараа "Tier 3" зэрэглэлд тооцогдож буй уг тэмцээний хэсгийн тоглолтууд "Bo2" журмаар болох ба наймдугаар сарын 7-д хэсгийн тоглолтууд дуусаж хэсэг бүрээс хамгийн өндөр оноотой гурван баг Playoff-т шалгарна. Тэмцээний зөвхөн эхний дөрвөн баг шагналтай.

Монгол багуудын хуваарь:

• 07.29. 18:30. Team Tough - Ascent Esports
• 07.30. 16:00. Team Tough - Yangon Galacticos
• 07.31. 16:00. Team Tough - Outcast
• 08.01. 21:00. Team Tough - Salvation Gaming
• 08.02. 21:00. Team Tough - MAG.Garuda
• 08.03. 21:00. IHC Esports - The Immortal
• 08.04. 18:30. IHC Esports - Team TK
• 08.05. 18:30. IHC Esports - Carstensz Esports
• 08.06. 21:00. IHC Esports - Manta Esports
• 08.07. 16:00. IHC Esports - Blind Owl Esports

Энэ оны зургаадугаар сард болсон Зүүн Өмнөд Азийн бүсийн гурав дахь тэмцээн буюу "RES Regional Series: SEA #3"-т Team Tough баг дэд байрыг эзэлж 15 мянган ам.долларын шагнал авсан. Тэд дөрөвдүгээр сард болсон хоёр дахь тэмцээнд нь түрүүлж 25 мянган ам.доллар авсан юм. Харин IHC Esports баг анхны улиралд нь дэд байрыг эзэлж байв.

RES Regional Series нь Европ, Зүүн Өмнөд Ази, Латин Америк гэсэн гурван бүсэд болдог бөгөөд лигт өндөр байр эзэлж цуглуулсан оноогоороо оноо цуглуулдаг. Лигийн дөрөв дэх улирал дууссаны дараа бүс бүрээс хамгийн өндөр оноотой хоёр баг Сербийн нийслэл Белград хотод болох тэмцээнд урилгаар оролцоно.