#DOTA2 Отгондаваагийн "sanctity-" Сүхбатын тоглодог "Natus Vincere" баг "Clavision: Snow Ruyi" тэмцээнд 4-р байр эзэлж 45 мянган ам.долларын (150 сая төгрөг) шагнал авлаа.

Clavision-ээс зохиож буй 500 мянган ам.долларын шагналын сантай "Clavision: Snow Ruyi" тэмцээн Хятадын Жанчхүү хотод үргэлжилж байна.

Дэлхийн шилдэг 10 баг хоёр хэсэгт хуваагдан өрсөлдөж буй тэмцээнд Отгондаваагийн "sanctity-" Сүхбатын тоглодог "Natus Vincere" баг урилгаар оролцлоо.

Тэд өнөөдөр Playoffs-ын доод хүснэгтийн хагас шигшээд Сумаил "Suma1L-" Хассан, Марун "GH" Мерхеж тэргүүтэй "Nigma Galaxy" багтай тоглож 2-0 харьцаагаар хожигдсоноор тэмцээнээ дуусгалаа.

• "Natus Vincere" хэсгийн дэд байраар Playoffs-т шалгарлаа
• Өнөөдөр эхлэх "RES Regional Series"-т Монголын хоёр баг оролцоно
• Өнөөдөр эхлэх "Elite League"-т Равдангийн "NARMAN" Нармандах оролцоно

Тэмцээний "A" хэсгийн дэд байраар Playoffs-т шалгарсан NaVi Хятадын "Xtreme Gaming" багт 2-1 харьцаагаар хожигдож доод хүснэгт рүү унасан ч өчигдөр мөн Хятадын "Azure Ray" багийг 2-1 харьцаагаар хожсон.

Харин өнөөдөр Хятадын "LGD Gaming" багийг 2-0 харьцаагаар хожиж доод хүснэгтийн хагас шигшээд шалгараад байсан бөгөөд ийнхүү тэмцээнээ дуусгаж 45 мянган ам.долларын (150 сая төгрөг) шагнал авлаа.

Отгондаваагийн "sanctity-" Сүхбатын хувьд энэ тэмцээнд Шу "Echo" Жилан, Жен "Ori" Жиао Ян, Илия "squad1x" Кувалдин, Гуо "Xm" Хон Чен, Хуан "7e" Хе Мин, Денис "Larl" Сиготов гэсэн дэлхийн шилдэг midlaner-үүдтэй тоглож туршлага хуримтлууллаа.