#CS2 The MongolZ дэлхийн чансааны #2 Team Spirit-ыг хожиж А хэсгийн дээд хүснэгтийн хагас шигшээд шалгарлаа.

ESL-ээс зохиодог "Intel Extreme Masters" цувралын нэг оны дөрөв дэх тэмцээн 1 сая ам.долларын шагналын сантай "IEM Cologne 2024" Германы Кёлн хотод үргэлжилж байна.

Дэлхийн шилдэг 24 баг цугласан тэмцээнд Монголын "The MongolZ" баг Азийн чансааг тэргүүлэгчийн урилгаар оролцож байна.

Тэд өнөөдөр хэсгийн шатны эхний тоглолтоо "IEM Katowice 2024" тэмцээний аварга Оросын "Team Spirit" багтай хийж 2-0 (Ancient 16-13, Anubis 13-4) харьцаагаар хожлоо.

• The MongolZ хүнд тоглолтын эцэст Туркийн "Eternal Fire"-ыг хожиж хэсгийн шатанд шалгарлаа
• The MongolZ Австралийн #1 FlyQuest-ыг дахин нэг удаа илүүрхлээ
• Португалын "SAW" таамаг эвдэж нээлтийн тоглолтод The MongolZ-ыг хожлоо

Ийнхүү тэд А хэсгийн дээд хүснэгтийн хагас шигшээд шалгарсан бөгөөд хагас шигшээд Португалын "SAW" багтай маргааш 00:45 цагаас тоглохоор боллоо. Хоёр баг тэмцээний нээлтийн тоглолтод учраа таарахад Португалын баг илүүрхэж байв.

The MongolZ-ын тоглолтуудын үр дүн:

• Play-In шат. Дээд хүснэгтийн нээлтийн тоглолт. The MongolZ 1-2 (Anubis 13-16, Ancient 13-5, Dust II 5-13) SAW
• Play-In шат. Доод хүснэгтийн эхний тоглолт. The MongolZ 2-0 (Anubis 13-8, Ancient 13-4) FlyQuest
• Play-In шат. Доод хүснэгтийн хоёр дахь тоглолт.The MongolZ 2-1 (Anubis 4-13, Mirage 13-8, Nuke 16-14) Eternal Fire
• Хэсгийн шат. А хэсгийн дээд хүснэгтийн шөвгийн найм. The MongolZ 2-0 (Ancient 16-13, Anubis 13-4) Team Spirit

Харин Team Spirit баг доош унаснаар маргааш 00:45 цагаас "IEM Dallas 2024" тэмцээний аварга "G2 Esports"-той тоглож тэмцээнд үлдэх эсэхээ шийдэхээр боллоо.

The MongolZ болон Team Spirit багууд өмнө "IEM Katowice 2024" тэмцээний Play-in шатанд таарахад Оросын баг 2-0 (Ancient 16-14, Mirage 13-2) харьцаагаар хожиж байв.