#CS2 The MongolZ нэг сая ам.долларын шагналын сантай "IEM Cologne 2024" тэмцээний нээлтийн тоглолтод хожигдлоо.

ESL-ээс зохиодог "Intel Extreme Masters" цувралын нэг оны дөрөв дэх тэмцээн 1 сая ам.долларын шагналын сантай "IEM Cologne 2024" Германы Кёлн хотод эхэллээ.

Дэлхийн шилдэг 24 баг цугласан тэмцээнд Монголын "The MongolZ" баг Азийн чансааг тэргүүлэгчийн урилгаар оролцож байна.

Тэд өнөөдөр Play-In шатны эхний тоглолтоо Португалын "SAW" багийн эсрэг хийж 2-1 (Anubis 13-16, Ancient 13-5, Dust II 5-13) харьцаагаар хожигдлоо.

• Chinggis Warriors "XSE Pro League" тэмцээнд дэд байр эзэллээ
• Монголын ATOX баг Хятадын Rare Atom-д дахин хожигдож урьдчилсан шатнаас хасагдлаа
• The MongolZ Францын багт хожигдож дэд байр эзэллээ

Valve Дэлхийн чансааны 7, ESL дэлхийн чансааны 10-т бичигдэж буй The MongolZ нээлтийн тоглолтод хожиж хэсгийн шатанд шалгарах эрхийг авах хамгийн өндөр магадлалтай багуудын нэгт тооцогдож байсан юм. Харин SAW ESL чансааны 29-т жагсаж байсан билээ.

The MongolZ маргааш 19:30 цагаас монгол дасгалжуулагчтай Австралийн "FlyQuest" багтай тэмцээнд үлдэх эсэхээ шийдэх тоглолтыг хийнэ.

Өмнө нь "IEM Katowice 2024"-ын аварга "Team Spirit", "IEM Chengdu 2024"-ын аварга "FaZe Clan", "IEM Dallas 2024"-ын аварга "G2 Esports", "ESL Pro League Season 19"-ийн аварга "MOUZ" болон дэлхийн чансааг тэргүүлэгч дөрвөн баг шууд "Group Stage" шатанд тоглохоор хүлээж байгаа бол үлдсэн 16 багийн 8 нь Play-In шатнаас Group Stage-рүү шалгарна.