#CS2 Монголын "ATOX Esports" баг IEM Rio Азийн урьдчилсан шатны хоёр дахь өдөр Хятадын Rare Atom багт дахин хожигдож тэмцээнээс хасагдлаа.

ESL-ээс жил бүр CS2-ын хамгийн том тэмцээнүүдийн нэгд тооцогддог "Intel Grand Slam" буюу их дуулга тэмцээнийг 4-5 удаа зохион байгуулдаг.

Энэ оны дөрөв дэх их дуулга "Intel Extreme Masters Rio 2024" тэмцээн аравдугаар сарын 07-13-ны хооронд Бразилын Рио де Жанейро хотод болно.

Тэгвэл уг тэмцээнд оролцох Ази тивийн нэг эрхийн төлөөх урьдчилсан шатны тэмцээнд Монголын "ATOX Esports" баг оролцож байна. Тэд тэмцээний хоёр дахь өдөр, доод хүснэгтийн финалд Хятадын Rare Atom багт 2-1 (Anubis 13-4, Ancient 11-13, Inferno 13-11) харьцаагаар хожигдлоо.

• The MongolZ Францын багт хожигдож дэд байр эзэллээ
• The MongolZ Туркийн багийг зоволгүй хожиж финалд шалгарлаа
• The MongolZ "Skyesports Championship 2024"-ийн хагас шигшээд шалгарлаа

Ийнхүү ATOX Esports тэмцээнээ дуусгаж Хятадын багууд финалд тоглох болов.

Дээд хүснэгтийн шөвгийн наймд таарахдаа Rare Atom-д 2-1 (Anubis 13-10, Ancient 10-13, Inferno 13-11) харьцаагаар хожигдоод байсан тэд өчигдөр доод хүснэгтийн хагас шигшээд Хятадын "CatEvil" багийг 2-0 (Ancient 13-7, Inferno 13-7) харьцаагаар илүүрхсэн юм.

• ATOX Esports (dobu, kabal, MiQ, ANNIHILATION, yAmi, flyNN)
• TYLOO (JamYoung, Mercury, Moseyuh, Jee, zhokiNg, k4Mi)
• Rare Atom (somebody, Summer, ChildKing, L1haNg, kaze, z8z)
• CatEvil (twy, Roninbaby, Biuckmt, BZA, splashske)

Ази тивийн хамгийн өндөр чансаатай баг "The MongolZ" дэлхийн чансаанд эзэлж буй байраар IEM Rio-д оролцох эрхээ шууд авсан тул Азийн чансааг тэргүүлэгч TYLOO, ATOX Esports багууд урьдчилсан шатанд шууд урилгаар оролцож байна. Харин Хятадын Rare Atom, CatEvil багууд нээлттэй сонгон шалгаруулалтаас эрхээ авсан юм.