#CS2 The MongolZ Туркийн #1 "Eternal Fire"-ыг 2-1 харьцаагаар хожиж нэг сая ам.долларын шагналын сантай "IEM Cologne 2024" тэмцээний хэсгийн шатанд шалгарлаа.

ESL-ээс зохиодог "Intel Extreme Masters" цувралын нэг оны дөрөв дэх тэмцээн 1 сая ам.долларын шагналын сантай "IEM Cologne 2024" Германы Кёлн хотод үргэлжилж байна.

Дэлхийн шилдэг 24 баг цугласан тэмцээнд Монголын "The MongolZ" баг Азийн чансааг тэргүүлэгчийн урилгаар оролцож байна.

Тэд өнөөдөр Play-In шатны сүүлийн тоглолтоо Туркийн хамгийн шилдэг баг "Eternal Fire"-тай хийж 2-1 (Anubis 4-13, Mirage 13-8, Nuke 16-14) харьцаагаар хожлоо.

• The MongolZ Австралийн #1 FlyQuest-ыг дахин нэг удаа илүүрхлээ
• Португалын "SAW" таамаг эвдэж нээлтийн тоглолтод The MongolZ-ыг хожлоо
• Chinggis Warriors "XSE Pro League" тэмцээнд дэд байр эзэллээ

The MongolZ нээлтийн тоглолтоо чансаа доогуур Португалын "SAW" багийн эсрэг хийж 2-1 (Anubis 13-16, Ancient 13-5, Dust II 5-13) харьцаагаар хожигдсон. Улмаар хасагдах шат руу унасан бөгөөд Австралийн "FlyQuest" багийг 2-0 (Anubis 13-8, Ancient 13-4) харьцаагаар хожсон билээ.

Ийнхүү The MongolZ хэсгийн шатанд шалгарсан бөгөөд "А" хэсэгт хуваарилагджээ. Тэдний эхний тоглолт өнөөдөр 22:30 цагаас "IEM Katowice 2024" тэмцээний аварга Оросын "Team Spirit" багийн эсрэг болно. А хэсэгт "IEM Dallas 2024" тэмцээний аварга "G2 Esports" болон дэлхийн чансааг тэргүүлэгч "Natus Vincere", "Astralis" багууд багтаж байна.

Хэрэв The MongolZ эхний тоглолтдоо хожвол "G2 Esports" болон SAW багуудын нэгтэй тоглоно.