#CS2 The MongolZ нэг сая ам.долларын шагналын сантай "IEM Cologne 2024" тэмцээний хоёр дахь тоглолтдоо монгол дасгалжуулагчтай Австралийн багийг хожлоо.

ESL-ээс зохиодог "Intel Extreme Masters" цувралын нэг оны дөрөв дэх тэмцээн 1 сая ам.долларын шагналын сантай "IEM Cologne 2024" Германы Кёлн хотод үргэлжилж байна.

Дэлхийн шилдэг 24 баг цугласан тэмцээнд Монголын "The MongolZ" баг Азийн чансааг тэргүүлэгчийн урилгаар оролцож байна.

Тэд өнөөдөр Play-In шатны хоёр дахь тоглолтоо монгол дасгалжуулагчтай Австралийн "FlyQuest" багтай хийж 2-0 (Anubis 13-8, Ancient 13-4) харьцаагаар хожлоо.

• Португалын "SAW" таамаг эвдэж нээлтийн тоглолтод The MongolZ-ыг хожлоо
• Chinggis Warriors "XSE Pro League" тэмцээнд дэд байр эзэллээ
• Монголын ATOX баг Хятадын Rare Atom-д дахин хожигдож урьдчилсан шатнаас хасагдлаа

The MongolZ өчигдөр нээлтийн тоглолтоо чансаа доогуур Португалын "SAW" багийн эсрэг хийж 2-1 (Anubis 13-16, Ancient 13-5, Dust II 5-13) харьцаагаар хожигдсон. Улмаар хасагдах шат руу унасан бөгөөд маргааш 01:30 цагаас тэмцээний хэсгийн шат руу шалгарахын төлөө тоглох боллоо.

Өмнөх

• "IEM Katowice 2024"-ын аварга "Team Spirit",
• "IEM Chengdu 2024"-ын аварга "FaZe Clan",
• "IEM Dallas 2024"-ын аварга "G2 Esports",
• "ESL Pro League Season 19"-ийн аварга "MOUZ" болон дэлхийн чансааг тэргүүлэгч дөрвөн баг шууд "Group Stage" шатанд тоглохоор хүлээж байгаа бол үлдсэн 16 багийн 8 нь Play-In шатнаас Group Stage-рүү шалгарна.

The MongolZ маргаашийн тоглолтдоо хожвол хэсгийн шатанд тоглох юм. Харин өчигдөр Германы "BIG" багт 2-1 харьцаагаар хожигдсон Гантулгын "erkaSt" Эрдэнэцогтын удирдсан "FlyQuest" тэмцээнээ өндөрлүүллээ.