#CS2 The MongolZ Финланд, Украины багуудыг хожиж 200,000 ам.долларын шагналын сантай "Elisa Masters Espoo 2024" тэмцээний playoffs-т шалгарлаа.

Elisa Esports-оос зохиож буй 200,000 ам.долларын шагналын сантай "Elisa Masters Espoo 2024" тэмцээн Финландын Эспоо хотод өчигдөр эхэлсэн.

Тэмцээнд Монголын The MongolZ уригдсан. "А" хэсэгт багтсан тэд эхний тоглолтоо талбайн эзэн Финландын "JANO Esports" багтай хийж Inferno-д 13:7 харьцаагаар хожсон юм.

Улмаар хэсгийн аваргын төлөө Украины "B8" багтай тоглож 2-0 (Nuke 13-3, Inferno 13-8) харьцаагаар хожсоноор А хэсгийн нэгдүгээр байраар playoffs-т шалгарлаа.

• ATOX хагас шигшээд шалгарч, IHC Esports, The Huns багууд хасагдах шат руу уналаа
• ESL Challenger League-ын playoffs өнөөдөр эхэлнэ
• Монгол залуус Virtus.pro-д хожигдож IEM Rio 2024-өөс хасагдлаа

Хоёр map тоглоход монголын багаас Мөнхболдын "Techno4K" Содбаяр +16 frag, 98.5 ADR (Average Damage per Round)-тай багаа тэргүүлэв.

Шведийн "Ninjas in Pyjamas"-г хожоод байсан Андрия "npl" Кухарсикий, Данийл "headtr1ck" Валитов тэргүүтэй B8 баг хэсгийн хоёрдугаар байраар playoffs-т шалгарахын төлөө маргааш 21:30 цагаас JANO-той тоглоно.

Playoffs-ын хагас шигшээ тоглолтууд Bo3 журмаар, аваргын төлөөх тоглолт Bo5 журмаар болно.

The MongolZ-ын playoffs-ын тоглолт бямба гарагт буюу энэ сарын 19-ний 21:30 цагаас эхэлнэ.