#CS2 The MongolZ "IEM Rio 2024" тэмцээний playoffs-т шалгарахын төлөө оросын Virtus.pro багтай тоглож 0-2 харьцаагаар хожигдсоноор тэмцээнээ дуусгалаа.

ESL (Electronic Sports League)-ээс зохиодог CS2 (Counter Strike 2)-ын хамгийн том тэмцээнүүдийн нэг "Intel Extreme Masters Rio 2024" үргэлжилж байна.

250 мянган ам.долларын шагналын сантай тэмцээнд Монголын "The MongolZ" дэлхийн шилдэг 16 багийн нэг болон өрсөлдсөн.

Тэд өнгөрсөн шөнө playoffs-т шалгарах эрхийн төлөө Оросын "Virtus.pro" багтай тоглож 0-2 (Ancient 10-13, Dust  II 3-13) харьцаагаар хожигдлоо.

• The MongolZ Туркүүдээс даагаа нэхэж гэрт нь буцаалаа
• Монголын гурван баг ESL Challenger League-ын playoffs-т шалгарлаа
• Б.Эрдэнэдалай "maaRaa"-н залуус Team Vitality-д гурав дахь удаа хожигдлоо

Тоглолтод Банзрагчийн "910" Өсөхбаяр 91.5 ADR (Average Damage Per Round)-тай багаа тэргүүлсэн бол нөгөө талд Денис "electroNic" Шарипов 101.1 ADR-тай тоглож тоглолтын шилдгээр нэрлэгдэв.

Хоёр баг энэ тэмцээний нээлтийн тоглолтод таарахад Mirage-д 13-10 харьцаагаар The MongolZ ялсан юм. Энэ тэдний Virtus.pro-ын эсрэг авсан анхны хожил байв.

Virtus.pro ийнхүү playoffs-т шалгарснаар "Natus Vincere"-тэй тоглоно.

The MongolZ-ын дараагийн тэмцээн нь энэ сарын 16-д эхлэх 200 мянган ам.долларын шагналын сантай "Elisa Masters Espoo 2024" байх юм.