#CS2 ESL Challenger League Season 48: Asia тэмцээний playoffs-т өнөөдөр 20:00 цагаас ATOX Esports - IHC Esports, The Huns Esports - Bromo тоглолтууд болно.

ESL-ээс зохиодог CS2-ын хамгийн том лигийн тэмцээн "ESL Pro League S21"-ийн эрх олгох "ESL Challenger League Season 48: Asia" тэмцээний playoffs-т Монголын гурван баг шалгарсан.

40 мянган ам.долларын шагналын сантай тэмцээний playoffs "Double Elimination Bracket" системээр болох буюу багууд нэг удаа хожигдох боломжтой.

Өнөөдөр 20:00 цагаас дээд хүснэгтийн шөвгийн наймд Монголын "ATOX Esports" болон "IHC Esports" багууд хоорондоо тоглоно. Тэдний хожсон нь маргааш Хятадын "Lynn Vision Gaming" багтай тоглох бол хожигдсон нь хасагдах шатны тоглолт хийнэ.

Мөн өнөөдөр 20:00 цагаас Монголын "The Huns Esports" баг дээд хүснэгтийн шөвгийн наймд Хятадын "Bromo" багтай тоглоно. Тэдний хожсон нь Хятадын "TYLOO" багтай тоглох бол хожигдсон нь мөн хасагдах шатны тоглолт хийх юм.

• Монгол залуус Virtus.pro-д хожигдож IEM Rio 2024-өөс хасагдлаа
• The MongolZ Туркүүдээс даагаа нэхэж гэрт нь буцаалаа
• Монголын гурван баг ESL Challenger League-ын playoffs-т шалгарлаа

Өнөөдөр 14:00 цагаас "МESA Pro Series: Fall 2024" тэмцээнд тоглох ATOX Esports багийн ахлагч Батболдын "dobu" Ган-Эрдэнэ "Perfect World Shanghai Major 2024: Asia-Pacific RMR" тэмцээнд оролцохын тулд "Alter Ego" баг руу зээлээр явсан тул түүнийг The Huns Esports-ын хуучин цэрэг Батжаргалын "sk0R" Тэнгис орлоно.

Мөн мэргэн бууч Нямдоржийн "ANNIHILATION" Түвшинтөгс багаас гарах нь тодорхой болсон тул өмнө ATOX Esports-ын мэргэн бууч байсан Батбаатарын "cool4st" Содбилэг түр орлож байна.

Харин "IHC Esports" багийн хувьд "МESA Pro Series" тэмцээнд оролцсон бүрэлдэхүүнээ солиогүй байна.

The Huns Esports багийн хувьд sk0R-оос гадна багийн ахлагчаар тоглож байсан Ганбаатарын "Tamiraarita" Мөнхтамирыг багаас явуулсан. Улмаар IHC Esports багийн хуучин цэрэг Шижирбаатарын "Wonderzce" Зол-Эрдэнийг авснаас гадна багийн дасгалжуулагч Батсүхийн "ncl" Болд тав дахь тоглогчоор тоглох төлөвтэй байна.