#CS2 The MongolZ "IEM Cologne 2024" тэмцээний хасагдах шатанд Бразилын "paiN Gaming" багт 2-1 (Anubis 16-13, Mirage 10-13, Nuke 8-13) харьцаагаар хожигдож тэмцээнээ дуусгалаа.

ESL-ээс зохиодог "Intel Extreme Masters" цувралын нэг оны дөрөв дэх тэмцээн 1 сая ам.долларын шагналын сантай "IEM Cologne 2024" Германы Кёлн хотод үргэлжилж байна.

Дэлхийн шилдэг 24 баг цугласан тэмцээнд Монголын "The MongolZ" баг Азийн чансааг тэргүүлэгчийн урилгаар оролцож байна.

Тэд өнөөдөр хэсгийн шатны гурав дахь тоглолтоо Бразилын "paiN Gaming" багтай хийж 2-1 (Anubis 16-13, Mirage 10-13, Nuke 8-13) харьцаагаар хожигдлоо.

• The MongolZ хүнд тоглолтын эцэст Туркийн "Eternal Fire"-ыг хожиж хэсгийн шатанд шалгарлаа
• The MongolZ Австралийн #1 FlyQuest-ыг дахин нэг удаа илүүрхлээ
• Португалын "SAW" таамаг эвдэж нээлтийн тоглолтод The MongolZ-ыг хожлоо

Хоёр баг өмнө нь "PGL CS2 Major Copenhagen 2024" тэмцээнд таарахад Бразилын баг мөн 2-1 (Inferno 19-22, Nuke 10-13, Mirage 13-9) харьцаагаар илүүрхэж байсан ба энэ удаа дахин хожлоо.

Кауэ "⁠kauez⁠" Касчук ахлагчтай paiN Gaming маш бага алдаа гаргасан бөгөөд хэд хэдэн шийдвэрлэх мөчид зөв шийдвэрүүдийг гаргасан нь эсрэг багийнхаа тоглолтыг нурааж байв. Харин The MongolZ-ын томоохон алдаанууд, ялангуяа Родриго "⁠biguzera⁠" Биттенкуртын эсрэг хоёр удаа 1-3 тоглож алдсан round-ууд тоглолтын хувь заяаг шийдэхэд хангалттай байлаа.

The MongolZ-ын тоглолтуудын үр дүн:

• Play-In шат. Дээд хүснэгтийн нээлтийн тоглолт. The MongolZ 1-2 (Anubis 13-16, Ancient 13-5, Dust II 5-13) SAW
• Play-In шат. Доод хүснэгтийн эхний тоглолт. The MongolZ 2-0 (Anubis 13-8, Ancient 13-4) FlyQuest
• Play-In шат. Доод хүснэгтийн хоёр дахь тоглолт.The MongolZ 2-1 (Anubis 4-13, Mirage 13-8, Nuke 16-14) Eternal Fire
• Хэсгийн шат. А хэсгийн дээд хүснэгтийн шөвгийн найм. The MongolZ 2-0 (Ancient 16-13, Anubis 13-4) Team Spirit
• Хэсгийн шат. А хэсгийн дээд хүснэгтийн хагас шигшээ. The MongolZ 1-2 (Ancient 16-13, Nuke 7-13, Anubis 13-10) SAW
• Хэсгийн шат. А хэсгийн доод хүснэгтийн хагас шигшээ. The MongolZ 1-2 (Anubis 16-13, Mirage 10-13, Nuke 8-13) paiN Gaming

paiN Gaming баг Playoffs-т тоглох эрхийн төлөө цааш тоглохоор болсон бол The MongolZ 9-12-р байрыг эзэлж 16 мянган ам.доллартай нутаг буцлаа.