#CS2 ESL Challenger League Season 48: Asia тэмцээний playoffs-т Монголын The Huns Esports Хятадын Lynn Vision Gaming багт 2-1 харьцаагаар хожигдож тэмцээнээ дуусгалаа. Тэд 2,000$ (6.7 сая төгрөг) шагналыг авсан.

ESL-ээс зохиодог CS2-ын хамгийн том лигийн тэмцээн "ESL Pro League S21"-ийн эрх олгох "ESL Challenger League Season 48: Asia" тэмцээний playoffs үргэлжилж байна.

40 мянган ам.долларын шагналын сантай тэмцээний хасагдах шатанд Монголын "The Huns Esports" баг Хятадын "Lynn Vision Gaming" багтай өчигдөр тоглож 1-2 (Inferno 17-19, Dust II 13-2, Ancient 8-13) харьцаагаар хожигдлоо.

Тоглолтод The Huns багт зээлээр тоглож буй Мөнхтогтохын "xerolte" Энхбат +10 frag 89.5 ADR (Average Damage per Round) тай багаа тэргүүлэв.

• ATOX Хятадын Lynn Vision Gaming багийг хожин финалд шалгарлаа
• The MongolZ Elisa Masters-ын хагас шигшээд түүртэлгүй шалгарлаа
• ATOX хагас шигшээд шалгарч, IHC Esports, The Huns багууд хасагдах шат руу уналаа

Ийнхүү Lynn Vision Gaming хожсоноор гурван долоо хоногийн дараа Шанхай хотод LAN (Local Area Network)-аар болох финалын тоглолтуудад оролцох эрхтэй боллоо.

Харин The Huns тэмцээнээ 5-6-р байраар дуусгаж 2,000 ам.долларын (6.7 сая төгрөг) шагналыг авлаа.

Одоогоор Lynn Vision Gaming-ээс гадна Хятадын "TYLOO", Монголын "ATOX Esports" багууд Шанхайд тоглох эрхээ аваад байна.

Шанхайг зорих сүүлийн баг өнөө орой тодорно. Монголын "IHC Esports", Хятадын "Bromo" багууд 20:00 цагаас Bo3 журмаар тоглоно.