#CS2 ESL Challenger League Season 48: Asia тэмцээний playoffs-т ATOX Esports Хятадын Lynn Vision Gaming багийг 2-1 харьцаагаар хожиж дээд хүснэгтийг финалд шалгарлаа.

ESL-ээс зохиодог CS2-ын хамгийн том лигийн тэмцээн "ESL Pro League S21"-ийн эрх олгох "ESL Challenger League Season 48: Asia" тэмцээний playoffs үргэлжилж байна.

40 мянган ам.долларын шагналын сантай тэмцээний дээд хүснэгтийн хагас шигшээд Монголын "ATOX Esports" баг Хятадын #2 "Lynn Vision Gaming" багтай тоглож 2-1 (Vertigo 13-11, Ancient 11-13, Nuke 13-11) харьцаагаар хожлоо.

Ингэснээр тэд дээд хүснэгтийн финалд шалгарч, "ESL Pro League S21" тэмцээний эрхийн төлөө Хятадын #1 "TYLOO" багтай тоглохоор болов.

• The MongolZ Elisa Masters-ын хагас шигшээд түүртэлгүй шалгарлаа
• ATOX хагас шигшээд шалгарч, IHC Esports, The Huns багууд хасагдах шат руу уналаа
• ESL Challenger League-ын playoffs өнөөдөр эхэлнэ

Тоглолтод Оюунбилэгийн "yAmi" Ялалт +5 frag, 81.7 ADR (Average Damage per Round)-тай багаа тэргүүлсэн байна.

Харин энэ тоглолттой зэрэгцээд доод хүснэгтийн хасагдах шатанд монголын мөн хоёр баг тоглосон. Оросын "SayGGTeam"-тэй учраа таарсан "The Huns Esports" 2-1 (Mirage 13-9, Nuke 10-13, Inferno 13-11) харьцаагаар хожиж гэрт нь хариулав.

Мөн "IHC Esports" баг оросын нөгөө төлөөлөл "GR Gaming" багийг 2-1 (Ancient 13-5, Inferno 11-13, Anubis 25-23) харьцаагаар хожиж тэмцээнээс хассан.

Ийнхүү The Huns Esports доод хүснэгтийн шөвгийн наймд Lynn Vision Gaming-тэй өнөөдөр 20:00 цагаас тоглохоор болсон бол IHC Esports мөн Хятадын "Bromo" багтай маргааш 20:00 цагаас тоглох юм.

Тэмцээний доод хүснэгтийн хагас шигшээ болон финалын тоглолтууд хоёр долоо хоногийн дараа Хятадын Шанхай хотод болно. Иймд тус дөрвөн багийн хожсон нь LAN тэмцээний эрхийг авах юм.