#Сүмо Өмнөх ёкозүна Тэрүнофүжи Г.Ган-Эрдэнэ Хацү башёгийн үеэр зодог тайлсан бөгөөд сүмогийн холбоо сүүлийн 32 жилд анх удаа ёкозүнагүй болохоос сэргийлж Хошорюүг их аваргад өргөмжилсөн гэж мэргэжилтнүүд үзэж байна.

Японы Сүмогийн Холбооноос Хошорюү Сугаррагчаагийн Бямбасүрэнг сүмогийн хамгийн дээд цол болох ёкозүна цолд батламжиллаа.

25 настай С.Бямбасүрэн энэ оны эхний тэмцээн буюу нэгдүгээр сарын Хацү башёд 12-3 амжилттай түрүүлж ёкозүна цолын болзол хангасан юм.

Ийнхүү тэрээр сүмо бөхийн 74 дэх, Монголоос энэ цолд хүрсэн 6 дахь их аварга боллоо. Өнөөдрөөс 22 жилийн өмнө буюу 2003 оны яг энэ өдөр түүний авга ах Асашорюү сүмогийн 68 дахь их аварга болж байв.

• Асашорюү аваргын зээ дүү С.Бямбасүрэн ёкозүна цолтой боллоо
• Асашорюү аваргын зээ дүү С.Бямбасүрэн сүмогийн дээд зиндаанд хоёр дахь удаа түрүүллээ
• Тэрүнофүжи аварга бэртлийн улмаас зодог тайлахаа мэдэгдлээ

Хошорюү цол батлах ёслолын үеэр "Би цолдоо ханалгүй цаашид ч шаргуу хөдөлмөрлөх болно" гэв. Тэрээр ирэх гуравдугаар сард Токио хотод болох тэмцээнд ёкозүна цолтойгоор башёг тэргүүлнэ.

Өмнөх ёкозүна Тэрүнофүжи Г.Ган-Эрдэнэ Хацү башёгийн үеэр зодог тайлсан бөгөөд сүмогийн холбоо сүүлийн 32 жилд анх удаа ёкозүнагүй болохоос сэргийлж Хошорюүг их аваргад өргөмжилсөн гэж мэргэжилтнүүд үзэж байна.

Эх сурвалж: Kyodo