#Сүмо Озэки Хошорюү Сугаррагчаагийн Бямбасүрэн идэвхтэй барилдаж буй цорын ганц ёкозүна болох магадлалтай байна. Японы сүмо бөхийн холоо өнөөдөр хуралдаж Хошорюүг аваргын цолд дэвшүүлэх эсэхийг шийднэ.

Монголын озэки Хошорюү Сугаррагчаагийн Бямбасүрэн Японы сүмо бөхийн 2025 оны нэгдүгээр сарын тэмцээн буюу Хацү башёд түрүүллээ.

Ёкозүна Асашорюү аваргын зээ 25 настай тэрээр ийнхүү сүмогийн дээд зиндаанд хоёр дахь удаа түрүүлсэн нь энэ бөгөөд идэвхтэй барилдаж буй цорын ганц ёкозүна болох магадлалтай байна.

Хацү башёгийн дундуур ёкозүна Тэрүнофүжи Г.Ган-Эрдэнэ зодог тайлснаар сүмогийн дээд цол хоосон үлдээд байгаа юм. Улмаар Японы сүмо бөхийн холбоо өнөөдөр хуралдаж Хошорюүг аваргын цолд дэвшүүлэх эсэхийг шийднэ.

• Тэрүнофүжи аварга бэртлийн улмаас зодог тайлахаа мэдэгдлээ

Хацү башёгийн хамгийн сүүлчийн буюу 15 дахь өдөр Хошорюү, Охо, Кинбозан нар тус бүр 12-3 амжилттайгаар тэнцсэнээр нэмэлт барилдаан гарахаар болсон юм.

Нэмэлт барилдаанд Хошорюү хоёр өрсөлдөгчөө дараалан илүүрхсэнээр Японы эзэн хааны цомыг өргөсөн. 2023 оны долоодугаар сард анх энэ цомыг өргөж байсан тэрээр өнгөрсөн оны 11-р сарын тэмцээнд 13-2 амжилттай дэд байр эзэлсэн нь ёкозүна цолд нэр дэвшихэд хүргэсэн юм.

Хацү башё дахь монгол бөхчүүдийн амжилт:

1. Маэгашира #16 Тамашохо 32 настай /Энхманлайн Эрдэнэбилэг/ - 6-9
2. Маэгашира #12 Онокацү 25 настай /Чойжилсүрэнгийн Батжаргал/ - 7-8
3. Маэгашира #10 Тамаваши 40 настай /Батжаргалын Мөнх-Оргил/ - 9-6
4. Маэгашира #9 Ошома 28 настай /Дэлгэрбаярын Пүрэвсүрэн/ - 8-7
5. Маэгашира #5 Чиошома 34 настай /Ганбаатарын Мөнхсайхан/ - 9-6
6. Маэгашира #1 Киришима 29 настай /Бямбачулууны Лхагвасүрэн/ - 11-4
7. Озэки Хошорюү 26 настай /Сугаррагчаагийн Бямбасүрэн/ - 12-3

Эх сурвалж: Kyodo