• "ESL Challenger at DreamHack Atlanta 2023" тэмцээн өнөө шөнө эхэлнэ
• Тэмцээнд Монголын "The MongolZ" баг оролцож байна

100 мянган ам.долларын шагналын сантай CS2-ын "ESL Challenger at DreamHack Atlanta 2023" тэмцээн өнөө шөнө АНУ-ын Атланта хотын "Georgia World Congress Center"-т эхэлнэ.

Тэмцээнд Ази тивийг төлөөлөн оролцож буй Монголын "The MongolZ" баг эхний тоглолтоо өнөө шөнө 03:15 цагаас дэлхийн чансааны 4-т жагсаж буй "Complexity Gaming" багтай хийнэ. Монгол багийн тоглолт 23:00 цагаас байсан ч тоглогчдын виз гарах, онгоцны нислэг олдохгүй зэрэг шалтгаанаар хоцорч байгаа тул ийнхүү хойшлуулсан байна.

Эхний тоглолт BO1 журмаар болох бөгөөд түүнээс хойших тоглолтууд BO3 журмаар болно. Монголын багийн хувьд тэмцээний А хэсэгт Complexity Gaming-ээс гадна "Apeks", "GamerLegion" багуудтай нэг хэсэгт багтсан.

• TheMongolz Ази-Номхон далайн "ESL Challenger" лигт аваргаллаа
• "ESL Pro League"-т хоёр дахь удаа Монгол баг тоглохоор боллоо
• "TheMongolz" Атлантагийн тэмцээнд Ази тивийг төлөөлөн оролцоно

Түрүүлсэн баг нь 50 мянган ам.доллар болоод "ESL Pro League S19"-т оролцох эрх авах тэмцээний нээлтийн тоглолт В хэсгийн "Monte" болон "BESTIA" багуудын хооронд болно.

Эхний тоглолтоо хожсон багууд хэсгийн аваргын төлөө шууд тоглох бол хожигдсон багууд хэн нь тэмцээнээ үргэлжлүүлэхээ хоорондоо тоглож шийднэ. Тэмцээн энэ сарын 17-ыг хүртэл гурван өдөр үргэлжилнэ.

The MongolZ "ESL Challenger League"-т түрүүлснээр 19 дэх удаагийн ESL Pro League-ын эрхийг аль хэдийн авчихсан. Энэ тэмцээн тэдний хувьд дэлхийн чансаагаа ахиулах томоохон боломж юм.