• ESL Challenger League-ын Ази-Номхон далайн бүсийн тэмцээн дууслаа
• Монголын "The MongolZ" баг аваргалж, ESL Pro League-ын эрх авлаа

CS2-ын хамгийн том лигийн 19 дэх улирал буюу "ESL Pro League S19"-д орох эрхийн төлөөх "ESL Challenger League Season 46: Asia-Pacific" тэмцээн өндөрлөлөө.

Ази-Номхон далайн шилдэг 16 баг өрсөлдсөн тэмцээнд Монголын "The MongolZ" баг анх удаа аваргалж, ESL Pro League-т оролцох эрхээ авав.

• "ESL Pro League"-т хоёр дахь удаа Монгол баг тоглохоор боллоо
• "TheMongolz" Атлантагийн тэмцээнд Ази тивийг төлөөлөн оролцоно
• "ESL Challenger Jonköping 2023" тэмцээнд Ази тивийг төлөөлөн Хятадын баг оролцоно

TheMongolz өчигдөр доод хүснэгтийн финалд Хятадын "Lynn Vision Gaming" багийг 2-1 (Inferno 13-5, Anubis 13-15, Nuke 13-5) харьцаагаар хожиж ESL Pro League-д оролцох эрхээ авсан юм. Харин өнөөдөр аваргын төлөө Хятадын "TYLOO" багт (Overpass W-L, Nuke 11-13, Mirage 5-13, Anubis 16-13, Inferno 11-13) харьцаагаар хожиж аваргаллаа.

40 мянган ам.долларын шагналын сантай "ESL Challenger League Season 46: Asia-Pacific" тэмцээний ялагч 15 мянган ам.долларын шагнал авсан бол дэд байр 8000 ам.доллартай тэмцээнээ өндөрлүүлэв.

Тус тэмцээнд Монголын D13, Монгол тоглогчтой Team NKT багууд оролцсон ч тэмцээнээ дундаас нь өндөрлүүлсэн. Мөн Монголын Clutch Gaming, ATOX Esports багууд хасагдах шатанд шалгарсан ч Оросын багуудад хожигдсон юм.

Б.Гарьдмагнай "bLitz", М.Содбаяр, Techno4K, Б.Өсөхбаяр "910", Б.Аюуш "mzinho", М.Азбаяр "Senzu" нарын бүрэлдэхүүнтэй TheMongolz-ын энэ оны тэмцээн дуусаагүй. Тэд энэ сарын 15-17-ны хооронд АНУ-ын Атланта хотод болох 100 мянган ам.долларын шагналын сантай "ESL Challenger at DreamHack Atlanta 2023" тэмцээнд оролцох эрхээ аваад байгаа юм.

ESL Challenger League-ын 47 дахь улирал 2024 оны хоёрдугаар сард эхэлнэ. Тус тэмцээнд Монголын TheMongolz, ATOX Esports, Clutch Gaming, GEUD Gaming багууд оролцох эрхээ аваад байна.