• ESL Challenger League тэмцээн үргэлжилж байна
• Монголын "The MongolZ" баг Хятадын багийг хожсоноор ESL Pro League-д оролцох эрхийг авлаа

ESL-ээс зохиодог CS2-ын хамгийн том лигийн 19 дэх улирал буюу "ESL Pro League S19"-д орох эрхийн төлөөх "ESL Challenger League Season 46: Asia-Pacific" тэмцээн үргэлжилж байна.

Challenger League-д амжилттай тоглосон хоёр баг Pro League-ын эрх авах байсан бөгөөд Монголын "The MongolZ" баг Хятадын "Lynn Vision Gaming" багийг хожиж эрхээ авлаа.

Тэд доод хүснэгтийн финалд өрсөлдөгчөө 2-1 (Inferno 13-5, Anubis 13-15, Nuke 13-5) харьцаагаар хожсоноор Challenger League-ын гранд финалд шалгарсан бөгөөд аваргын төлөө Хятадын "TYLOO" багтай тоглохоор болсон юм. TYLOO дээд хүснэгтийн финалд Lynn Vision-ыг хожиж Pro League-ын эрхээ аваад байв.

• "TheMongolz" Атлантагийн тэмцээнд Ази тивийг төлөөлөн оролцоно
• "ESL Challenger Jonköping 2023" тэмцээнд Ази тивийг төлөөлөн Хятадын баг оролцоно
• CS2-ын анхны их дуулгад "Faze Clan" түрүүллээ

750 мянган ам.долларын шагналын сантай "ESL Pro League Season 19" Мальт улсын Сент-Жулианс хотод 2024 оны дөрөвдүгээр сарын 23-аас тавдугаар сарын 12-ны хооронд болно. Тус тэмцээнд дэлхийн шилдэг 32 баг өрсөлдөнө.

TheMongolz багийн М.Содбаяр "Techno4K", Б.Гарьдмагнай "bLitz" нар өмнө "IHC Esports" багийн хамт ESL Pro League-ын 17 дахь улиралд оролцож байсан туршлагатай.

Харин 40 мянган ам.долларын шагналын сантай "ESL Challenger League Season 46: Asia-Pacific" тэмцээний ялагч маргааш тодрох бөгөөд TheMongolz ялбал 15, ялагдвал 8 мянган ам.долларын шагналыг авна.

46 дахь улирлын Ази-Номхон далайн Challenger лигт Монголын Team NKT, D13 багууд оролцсон ч тэмцээнээ дундаас нь өндөрлүүлсэн. Мөн Clutch Gaming, ATOX Esports багууд хасагдах шатанд хожигдсон юм.