• Монголын TheMongolz баг "ESL Challenger at DreamHack Atlanta 2023" тэмцээний эрхийг авлаа
• Тэд Ази тивийг төлөөлөн ESL Pro League-ын эрхийн төлөө тоглоно

CS2-ын дэлхийн хамгийн том лиг болох "ESL Pro League"-ын 19 дэх улирлын тэмцээн ирэх оны дөрөвдүгээр сард болно. Тус тэмцээнд оролцох эрхийн төлөөх "ESL Challenger at DreamHack Atlanta 2023" тэмцээнд Ази тивийг төлөөлөн Монголын "TheMongolz" баг оролцохоор боллоо.

Тодруулбал, "ESL Challenger at DreamHack Atlanta 2023" тэмцээн 12-р сарын 15-17-ны хооронд АНУ-ын Атланта хотод болно. Дэлхийн шилдэг найман баг өрсөлдөх тэмцээнд Ази тивээс ганц баг оролцох учиртай.

Ази тивийг хэн төлөөлөхийг шийдэх урьдчилсан шатны тэмцээн сүүлийн дөрөв хоног үргэлжилсэн бөгөөд Гранд финалд TheMongolz Хятадын "TYLOO" багийг 2-1 (Nuke 11-13, Mirage 13-6, Overpass 13-7) харьцаагаар хожсон юм. Монголын баг хоёр долоо хоногийн өмнө "ESL Challenger Jonköping 2023" тэмцээний урьдчилсан шатанд "TYLOO"-д хожигдоод байсан билээ.

• "ESL Challenger Jonköping 2023" тэмцээнд Ази тивийг төлөөлөн Хятадын баг оролцоно
• CS2-ын анхны их дуулгад "Faze Clan" түрүүллээ
• “Valve” компани “Counter-Strike” цувралын шинэ тоглоомоо гаргалаа

Б.Гарьдмагнай "bLitz", М.Содбаяр, Techno4K, Б.Өсөхбаяр "910", Б.Аюуш "mzinho", М.Азбаяр "Senzu" нарын бүрэлдэхүүнтэй TheMongolz Атлантад "Complexity Gaming", "Monte", "GamerLegion", "Virtus.pro" зэрэг хүчтэй өрсөлдөгчидтэй тулна. Тус дөрвөн баг урилгаар оролцож байгаа юм.

100 мянган ам.долларын шагналын сантай тэмцээнд Өмнөд Америкийн төлөөлөн Аргентины "BESTIA", Хойд Америкаас "M80" багууд эрхээ аваад байна.

Урьдчилсан шатны шилдэг 4 багийн тоглолтын үр дүн: