"Катар 2022" ДАШТ-ий C хэсэгт таарсан Саудын Араб болон Мексикийн шигшээ багууд хэсгийн сүүлийн тоглолтоо хийж 2-1 харьцаагаар Мексик хожлоо.

Тэнцэхэд хангалттай гэж үзсэн Саудын Араб Аргентиныг хожсон шигээ нягт хамгаалалтаар Мексикийн хурдтай багийг угтлаа. Латин Америкчууд эхний үед хэд хэдэн довтолгоогоор гоол оруулах дөхсөн ч 0-0 харьцаагаар 45 минут дууссан.

Харин хоёрдугаар үе эхлээд удаагүй Хенри Мартин гоолдож Мексик тэргүүлж эхэллээ. Уг гоолоос ердөө 5 минутын дараа Луис Чавес Мексикийн ялалтыг бататгав.

Мексик хэсгээс гарахын тулд 2-оос дээш гоолоор хожих даалгавартай байсан бол эцсийн мөчид Саудын Арабт гоол алдсанаар хэсгээс шалгарах боломжоо алдлаа.

Ийнхүү гоолын зөрүүгээр Польш хэсгийн хоёрдугаар байраар шөвгийн 16-д шалгарч Францтай тоглохоор болов.

Гарааны бүрэлдэхүүн:

C хэсгийн өмнөх тоглолтуудын үр дүн:

• Аргентин 1-2 Саудын Араб
• Мексик 0-0 Польш
• Польш 2-0 Саудын Араб
• Аргентин 2-0 Мексик

Voo аппликейшн татах

• Android
• iOS