#CS2 Монголын The MongolZ баг ESL Pro League S20-ийн гурав дахь тоглолтдоо Оросын Team Spirit багт хожигдож хасагдах шат руу уналаа.

ESL (Electronic Sports League)-ээс зохиодог CS2 (Counter Strike 2)-ын хамгийн том лигийн тэмцээн "ESL Pro League"-ийн 20-р улирал Мальта улсын Сен-Жулиан хотод эхэлсэн.

Анх удаа Монголын хоёр баг оролцож буй тэмцээний B хэсэгт багтсан Монголын "The MongolZ" баг Оросын "Team Spirit" багт 2-1 (Ancient 13-9, Anubis 4-11, Nuke 11-13) харьцаагаар хожигдлоо. Даныл "donk" Кришковец 100.6 ADR (Average damage per round)-тайгаар бүх тоглогчдыг тэргүүлсэн.

Хоёр баг өмнө "IEM Cologne 2024" тэмцээний хүрээнд учраа таарахад монгол баг 2-0 (Ancient 16-13, Anubis 13-4) харьцаагаар хожиж байв.

• The MongolZ Испанийн багийг Mirage-д 13-0 харьцаагаар илүүрхэв
• The MongolZ Францын "3DMAX" багт хоёр дахь удаа 2-0 харьцаагаар хожигдлоо
• Монголын "ATOX Esports" баг Оросын багт хожигдож RMR-ын эрхээс мултарлаа

Францын "3DMAX" багт 2-0 (Anubis 13-9, Ancient 13-11) харьцаагаар хожигдож, Испанийн "KOI" багийг 2-0 (Inferno 13-1, Mirage 13-0) харьцаагаар хожсон The MongolZ ийнхүү хасагдах шат руу унаж, маргааш 19:30 цагаас Аргентины "9z Team" багтай тоглохоор болов. Тэд хожвол тэмцээндээ үлдэнэ хожигдвол тэмцээнээ дуусгана.

Харин Леонид "chopper" Вишняков ахлагчтай, Сергей "hally" Шаваев дасгалжуулагчтай Оросууд үргэлжүүлэн өнөө шөнө Францын "3DMAX" багтай тоглохоор болсон.

ESL Pro League-т анх удаа оролцож буй Монголын хоёр дахь баг "ATOX Esports" есдүгээр сарын 11-д эхний тоглолтоо Францын "Team Vitality" багтай хийнэ.